Aljur Abrenica at AJ Raval
UMATAKE na naman ang mga “golden bashers” matapos mag-post si Aljur Abrenica ng cryptic message sa social media na pinaniniwalaang para raw kay AJ Raval.
Sa halip na kiligin at pusuan ng mga netizens ang kanyang paandar na Instagram post, binanatan pa ang hunk actor at muling binuhay ang paghihiwalay nila ng kanyang estranged wife na si Kylie Padilla.
Ibinahagi ni Aljur ang isang short video sa kanyang IG account nitong nagdaang September 3 na kuha mula sa isang event na kanyang pinuntahan.
Nakasuot si Aljur ng dark brown leather top at may hawak na mic. Ang kanyang caption sa vide, “I risk a lot of shots in life and you are my greatest catch.”
Reading between the lines, gustong ipagsigawan ni Aljur sa buong universe na natagpuan na niya ang taong nais niyang makasama habangbuhay matapos isugal ang mahahalagang bagay sa kanyang buhay.
Walang binanggit na pangalan si Aljur pero ang paniwala ng kanyang followers, para ito sa kanyang rumored girlfriend na si AJ Raval.
Isinabay daw kasi ni Aljur ang pagpo-post ng kanyang cryptic message sa mismong birthday ni AJ.
Sa kanya namang IG page noong September 3, nagbahagi ang sexy star ng kanyang picture na may hawak na bouquet of flowers. Ang tanging caption ng dalaga ay ang numerical date ng kanyang kaarawan at simpleng “Thank you” na may red heart with arrow emoji.
Sunud-sunod naman ang pagkokomento ng mga netizens, may ilang natuwa sa gesture ni Aljur para kay AJ pero mas marami ang mga nam-bash sa aktor dahil sa pa-“low key” greeting nito kay AJ.
Sabi pa ng mga bumatikos kay Aljur, ni-risk daw niya ay ang kanyang pamilya nang ipagpalit niya si Kylie at mga anak kay AJ.
Hinamon naman ng ilang netizens si Aljur na lumantad na ang aminin sa publiko ang tunay na relasyon nila ni AJ at kung totoong nabuntis niya ang dalaga.
Walang diretsahang pag-amin o pagtanggi si AJ tungkol sa buntisan issue pero ayon sa tatay niyang action star na si Jeric Raval hindi raw totoo ang tsismis dahil kung may unang taong makakaalam daw nito, yan ay walang iba kundi siya dahil magkasama sila sa bahay ng anak.
Narito naman ang ilan sa mga comments ng IG followers ni Aljur.
“Yes u risk a lot specially your family.”
“Ang hirap nang patagong relasyon hindi mo maipagsigawan kaya nagpaparinig nalang sa post.”
“Greatest catch…nirisk yung dating family?”
“Ung caption mo aljur magpakatotoo na kayo huwag nyo itago sa dilim.”
“Ang gwapo parin ni kuya aljur.kung ano ang mukha nya sa TV ganon din sa personal.”
“Ah aj raval anak ni jeric.. lookalike ni robin padilla ung si jeric nung araw.. astig un sina jeric at senator robin.”
“Thanks a lot po sa pagpapicture sa Dumaguete. You made our whole vacation complete.”
https://bandera.inquirer.net/295872/jean-garcia-may-crptic-quote-kasabay-ng-muling-pagbabalikan-nina-jennica-at-alwyn
https://bandera.inquirer.net/305705/beatrice-gomez-may-pasabog-ngayong-valentines
https://bandera.inquirer.net/287072/nadine-tuloy-ang-concert-para-sa-mga-golden-gays-drag-queens-you-are-loved-and-valued
https://bandera.inquirer.net/306491/boobs-ni-sue-ramirez-nilait-lait-ng-basher-kaya-pala-hindi-nagsusuot-ng-bra-plywood-pala