Arjo Atayde at Maine Mendoza
HANGGANG ngayon pala ay hindi pa rin makapaniwala ang Phenomenal Star na si Maine Mendoza na natagpuan na niya ang lalaking nais niyang makasama forever.
Grabe raw kasing magmahal at mag-alaga ang kanyang fiancé at award-winning actor na si Quezon City First District Rep. Arjo Atayde.
Sabi ni Maine, feeling daw niya super ka-level talaga niya ang mga reyna at prinsesa kung protektahan at pangalagaan ni Arjo. Sa katunayan, iniisip niya kung ano ang mga nagawa niya para bigyan ng boyfriend na tulad ng aktor at kongresista.
“The way he loves and cares for me parang sobra and sometimes I really ask the Lord what have I done to deserve this kind of love,” pahayag ng “Eat Bulaga” Dabarkads sa isang video nila ni Arjo.
“I’ve always prayed to find a man whose gonna love me for who I am, then you came,” aniya pa.
Sa kanya namang Instagram page, nag-post din kahapon ang dalaga ng video clip ng naging narriage proposal sa kanya ni Arjo isang buwan na ang nakararaan. Mapapanood din dito ang naging reaksyon ng kanilang mga kapamilya at ilang malalapit na kaibigan.
“Been a month and it still feels surreal. Me and you, what a feeling,” ang nakasulat na caption sa IG post ni Maine.
Samantala, ikinuwento naman ni Arjo ang kahalagahan ng petsang July 28 sa relasyon nila ni Maine. Aniya, ito raw ang eksaktong date nang mag-tweet si Maine ng, “Arjo cutie” nine years ago.
Inamin naman ng aktres at TV host na hindi raw niya ito masyadong napansin. Sey ni Arjo, “She tweeted Arjo cutie today.” Nagulat namang reaksyon ni Maine, “Ah today?”
“Yeah, July 28, 2013,” sagot naman ni Arjo. “See, mas alam mo pa,” ang natatawang sey ni Maine.
Pagpapatuloy ng kongresista, “This is the day I met her also, July 28, 2018. And now I proposed July 28, 2022.”
Sa isang panayam kay Arjo, sinabi niyang bahala na raw si Maine sa venue at date ng kanilang wedding, “You know, for me, that’s her to answer, because that’s Maine’s decision for now. For me, I’m just here for whatever she wants, I’m ready.”
“To be honest, I’ve decided since, even before I’ve asked her, anytime. Anytime.
“It’s really a matter of us talking. This is a big step in our life, it’s another milestone, eventually have kids,” aniya pa.
https://bandera.inquirer.net/314250/maine-arjo-imposible-na-raw-magpakasal-ngayong-2022-dahil-sa-pamahiing-sukob
https://bandera.inquirer.net/307609/maine-hinding-hindi-gagamitin-ni-arjo-para-manalo-sa-eleksyon-2022-ayaw-isama-sa-kampanya
https://bandera.inquirer.net/320132/sylvia-super-kilig-sa-proposal-ni-arjo-kay-maine-welcome-to-the-family-thank-you-for-loving-my-son
https://bandera.inquirer.net/311670/arjo-muling-ibinandera-ang-pagmamahal-kay-maine-i-love-you-in-all-ways-more-and-more-every-day