Melai Cantiveros, Regine Velasquez, Jane de Leon at Jolina Magdangal
HANGGANG ngayon ay hindi pa rin makapaniwala ang Kapamilya TV host-comedienne na si Melai Cantiveros na regular na niyang makakatrabaho ang nag-iisang Asia’s Songbird na si Regine Velasquez.
Kamakailan, in-announce na ng ABS-CBN management na si Regine na ang napili ng mga bossing ng network bilang kapalit ni Karla Estrada sa “Magandang Buhay.”
Matapos pansamantalang humalili kay Karla noong panahon ng kampanya para sa May 9 elections (tumakbo bilang isa sa mga nominee ng kanilang partylist), magtutuluy-tuloy na nga si Regine bilang regular host ng “Magandang Buhay” kasama si Melai at si Jolina Magdangal.
Sa kanyang Instagram account, nag-post si Melai ng litrato kasama si Regine at ang buong production ng kanilang morning talk show.
Aniya sa caption, “Shout Out to my @_magandangbuhay family, nakakasepanx na 1 week working with these peeps, at iba na rin ang englishan ko sa caption. hehehehe. special thanks to momshie Reg @reginevalcasid our official kuMomshie na makakasama kasi very very in Jesus Name big blessing to us sa EmBee.
“Post meeting ata tawag diyan after taping nmin nag uusap kami if ano pa pwede ipush namin at ano pa ang stop muna namin na segment,” aniya.
“Magandang exercise sa work na ganun at si momshie Reg ang nagsuggest na mag ganun kami para mas mafeel namin ang show namin at magkakakilanlan kami with our bosses and staff,” pahayag pa ng komedyana.
Kuwento ni Melai, sobrang dedicated daw talaga ang Songbird sa kanilang show at napakasipag sa pagbibigay ng bagong ideas para sa mas ikagaganda pa ng bawat episode na ginagawa nila.
“Kaya naa amaze ako ka-trabaho ang isang SongBird kasi talagang very professional yet very kind and humble and always listen to her co-worker.
“Sobra never ko maimagine sa buhay ko na makawork ko si momshie Reg as in grabeee high na high pa din ako sa feeling na kasama na namin siya. Ang Bait Bait Bait Bait Bait nyaaaaaaaa Thank you Wte D ms D @mommy_de and mama frans @francisiansaran05 na lagi sinasamahan si momshiereg and mama franz na napaka babait din.
“Walang ere kahit nasa ere na katayuan nila sa buhay kaya I Love u And i Thank God for giving u guys sa amin sa magandang buhay Fambam and to my Nikki Manas/ HulkHoggy @darla youll the best madam apaka talinong Head Writer ng Magandang buhay,” hirit pa ni Melai.
https://bandera.inquirer.net/307456/melai-tinawag-na-bobo-dahil-kay-leni-robredo-nakipagtalakan-sa-tagasuporta-ni-bongbong-marcos
https://bandera.inquirer.net/292265/bakit-sina-maymay-at-melai-ang-paboritong-pbb-housemates-ni-robi
https://bandera.inquirer.net/309139/melai-cantiveros-tinawag-na-magnanakaw-ng-isang-netizen-pati-pamilya-dinamay-ipapahanap-kita