Jodi Sta. Maria, Angel Locsin at Kathryn Bernardo
WAGING-WAGI sina Jodi Sta. Maria, Joshua Garcia, Angel Locsin at Kathryn Bernardo sa ginanap na The Golden Laurel 2022: The Batangas Province Media Awards ng Lyceum of the Philippines University-Batangas.
Nasungkit ng ABS-CBN ang 16 parangal, kasama na ang Digital Media Network of the Year para sa Kapamilya Channel at Best TV/Digital News Platform para sa ABS-CBN News sa The Golden Laurel ngayong taon.
Kinilala rin ang “TV Patrol” bilang Best TV/Digital News Platform pati ang anchor nito na si Bernadette Sembrano bilang Female News Anchor of the Year.
Itinanghal si Jodi Sta. Maria bilang Best Drama Actress para sa “The Broken Marriage Vow” habang Best Actor naman si Joshua Garcia para sa “Viral Scandal”.
Iginawad naman kay Angel Locsin ang parangal bilangvMost Inspiring Social Media with Social Cause at Most Inspiring Social Media Personality Lifestyle/Entertainment naman si Kathryn Bernardo.
Samantala, pinarangalan din ang entertainment shows ng ABS-CBN kabilang na ang “It’s Showtime” (Best Variety Show and Best Variety Show Hosts), “Magandang Buhay” (Best Celebrity Talk Show), “Maalaala Mo Kaya” (Best Drama Anthology Program), at “The Broken Marriage Vow” (Best Drama Series).
Panalo rin ang “Lingkod Kapamilya sa TeleRadyo” hosts na sina Bernadette Sembrano at Edric Calma bilang Best Public Service Program Hosts. Inuwi rin ng kanilang programa ang Best Public Service Program award.
Pinagbotohan ng mga estudyante, empleyado, at partner schools sa Batangas province ang mga nanalo sa The Golden Laurel 2022.
Ginanap ang awarding ceremony sa Freedom Hall ng SHL Building, Lyceum of the Philippines University-Batangas, Capitol Site, Batangas City noong Huwebes, Agosto 4.
https://bandera.inquirer.net/284815/sylvia-sanchez-golden-girl-na-ive-been-waiting-to-turn-50-so-i-could
https://bandera.inquirer.net/302202/model-politician-umalma-nang-madamay-sa-pambabatikos-kay-poblacion-girl-nega-sa-covid
https://bandera.inquirer.net/287186/pamilya-ni-ellen-hindi-boto-kay-john-lloyd-kaya-naghiwalay-jlc-may-binayarang-p20-m-kay-katrina