Marco Gumabao at Kylie Verzosa
SHOOKT ang sexy hunk actor na si Marco Gumabao nang mabasa ang script ng bago niyang pelikula sa Viva Films, ang “Baby Boy, Baby Girl” kung saan muli niyang makakatambal si Kylie Verzosa.
Tungkol sa “sugar dating” ang kuwento ng pelikula na ididirek ni Jason Paul Laxamana kung saan involved ang mga taong rumaraket online na ang target ay mga mayayamang DOM at matrona o ang mas kilala sa tawag na “sugar daddy” at “sugar mommy”.
Kuwento ni Marco sa storycon ng “Baby Girl, Baby Boy”, na-excite at na-curious siya nang mabasa ang kuwento ng pelikula kaya naman talagang agad niyang tinanggap ang offer ng Viva.
Natuwa rin ang binata dahil makakatrabaho niya uli si Direk John Paul plus the fact na si Kylie uli ang magiging leading lady niya sa movie.
“Pagkabasa ko ng script, magka-text kami ni Kylie that time, nagulat ako na ganoon ang tema ng pelikula.
“Nakakatuwa kasi as we all know, sa mundo ngayon, maraming mga ganyan. It’s a real situation which is happening in our world right now.
“So, nu’ng binabasa namin, nakakatawa. At the same time, nakaka-excite kasi we can also put ourselves in the shoes ng sugar babies.
“Kung paano tumatakbo ang mundo nila at kung paano sila nakikipagtransaksyon sa mga sugar daddies o sugar mommies nila. Nu’ng nabasa ko, very excited at very shocked, sa totoo lang,” pahayag ni Marco.
Samantala, parehong single ngayon sina Marco at Kylie kaya naman tinukso sila ng ilang members ng press na baka this time, sa shooting nila ng “Baby Boy, Baby Girl” ay magkadebelopan na sila.
Tumawa muna ang aktor sabay sabing, “This is like our 6th or 7th project. I think out of those six or seven projects, more than half mag-ex din ang role namin.
“Kumbaga, hindi pa kami nagiging kami, mag-ex na agad kami, so pinangunahan na namin yung projects namin.
“But kidding aside, kami ni Kylie, we formed a friendship nung nanalo siya na Miss International. I mean, sobrang close namin ni Kylie, and career siyempre muna. Importante, career muna.
“Si Kylie, very hot ngayon, so I’m sure career lang talaga ang focus niya sa buhay,” sabi ng aktor.
Sabi ni Direk Jason, anytime this week ay sasabak na sila sa lock-in shoot sa Pampanga para sa “Baby Boy, Baby Girl” kaya wait na lang tayo kung magkainlaban nga ang dalawa niyang bida pagkatapos kunan ang pelikula.
https://bandera.inquirer.net/293326/kylie-bilib-sa-mga-sex-scenes-ni-jake-sa-pelikula-gusto-ko-ring-maging-katulad-niya
https://bandera.inquirer.net/283853/kc-umaming-certified-sharonian-i-am-her-biggest-fan-ang-galing-lang-talaga-niya
https://bandera.inquirer.net/282148/derek-pinagbayad-daw-ng-utang-si-ellen-love-salamat-sa-paluwal-alam-mo-naman-wala-pang-ayuda