Billy Crawford at Coleen Garcia
KUNG mahina-hina lang ang TV host-actor at singer na si Billy Crawford, baka sumuko na siya sa matitinding pagsubok na dumating at hinarap niya sa kanyang buhay.
Binalikan ni Billy ang ilang isyu at kontrobersiyang kinasangkutan niya noon, kabilang na ang pagiging alcoholic na nakaapekto nang malaki sa kanyang personal life at showbiz career.
Sa bagong vlog ni Karen Davila sa YouTube, sinabi ni Billy na bukod sa muling pagkapit sa pananampalataya niya kay Lord, napakalaki rin ng nagawa ng asawang si Coleen Garcia para maging maayos at tahimik ang kanyang buhay.
Inamin ni Billy, na nagsimulang bumuti ang takbo ng buhay at career niya nang talikuran niya ang pagkaadik sa alak.
Knows n’yo ba na may mga pagkakataong nagre-report siya sa dati niyang programa sa ABS-CBN na “It’s Showtime” nang nakainom?
“I was addicted to alcohol, you know. My alcoholism was something else. I was going to Showtime drunk.
“Sometimes, kapag after ASAP, diretso bahay, inom. But it was a good time. To be honest with you, it was a great time,” pahayag ni Billy.
“Pero, it was starting to affect me as a person. It was starting to affect my judgement. It was starting to affect my work. It was starting to affect kung sino talaga ako,” aniya pa.
Nagpapasalamat ang TV host kay Coleen dahil hindi siya iniwan nito sa kabila ng mga pinaggagawa niya noon, “I guess the difference between Coleen kasi was she was never forceful. Parang ang reverse psychology ng ginawa nito. Parang binaliktad na lang, ‘You do whatever you want,’ parang ganu’n.
“Parang ako na yung, ‘I’m too tired. Ayaw ko nang uminom.’ I hate the feeling, hangover feeling after, the headaches, the restlessness, the fatigue, etcetera, etcetera. Nakakaapekto sa trabaho,” pagbabalik-tanaw pa ni Billy.
Isa pa sa mga hinding-hindi malilimutan ni Billy ay ang pagkaaresto sa kanya ng mga pulis sa Taguig City dahil sa sobrang kalasingan noong Sept. 7, 2014.
Ito yung eksena kung saan galing siya sa Star Magic Ball na ginanap sa Shangri-La Makati noong gabi ng Sept. 6. Nagtungo siya sa Police Community Precinct 7, sa Fort Bonifacio, Global City, Taguig na nagsisisigaw at gustong magpakulong.
“When you’re interviewing someone, you’re not really up there, di ba? So I said, that’s the first step, when I got arrested, when I went through the whole shebang here in the Philippines and other places in the world, etcetera,” kuwento ni Billy.
Ngunit nang magpakasal na nga sila ni Coleen noong April 20, 2018 ay bigla ring nagbago ang lahat kasunod ng pagtalikod niya sa kanyang bisyo.
“When we tied the knot, kasi muntik naman talaga hindi matuloy yung wedding namin because we’re going through a lot that time.
“Nu’ng natuloy, I think that’s when God made a big visual premonition for me. Because, like I saw a happy family, I saw my dad and my mom get here which I prayed so hard for. And then that’s when I said, ‘Okay, I surrender.’
“Ako, wala na ako magagawa. It’s like you can’t force what God is doing upon us.
“We just have to accept it and we have to acknowledge that his presence is there and we have that faith that we call,” kuwento pa ni Billy.
https://bandera.inquirer.net/313661/coleen-puring-puri-si-billy-bilang-anak-asawa-at-tatay-happy-birthday-again-my-love
https://bandera.inquirer.net/309256/billy-ibinuking-si-coleen-nagpapasalamat-ako-sa-diyos-kuripot-ang-asawa-ko
https://bandera.inquirer.net/289227/coleen-billy-nakalimutan-ang-7th-anniversary-we-go-all-out-on-a-regular-and-i-love-it