Joshua Garcia at Jane de Leon
SA ginanap na Toycon 2022 sa SM Megamall kamakailan ay marami talagang nag-abang sa bagong bibida sa “Darna” series ng Kapamilya Network na si Jane de Leon.
May mga kaibigan kaming nandoon na naghintay kay Jane pero nu’ng pumagitna na ang aktres sa stage ay parang nakulangan sila.
“Parang ang hina ng personalidad? O, baka kasi naninibago ang tao, kasi kinukumpara sa ibang naging Darna.
“Pero okay naman siya, parang kulang lang somewhere o kulang pa sa push?” ang pahayag ng aming kaibigang nakisiksik din sa naganap na toycon.
Pero naloka sila nang biglang nagsigawan ang mga tao sa Mega Trade Hall kung saan ginanap ang event nang lumabas na ang leading man ni Jane sa “Darna” na si Joshua Garcia.
“Wala na! Si Joshua na ang tinilian ng lahat, grabe nga ang security. Talagang sinundan pa si Joshua palabas, mahigpit ang security!” sabi sa amin.
Sabi namin sa aming kausap, mas naunang makilala nang husto si Joshua kaysa kay Jane kaya maiintindihan kung bakit mas tinitilian ang aktor saka siyempre puro babae ang tumitili kasi guwapo, wala namang lalaking tumitili, maliban kung beki.
Anyway, hindi pa rin maka get-over an gg aming kausap dahil ang saya naman ng ginanap na Toycon at nabusog naman daw ang mga mata nila sa event, obserbasyon lang talaga nila, nahihinaan sila sa personalidad ni Jane.
Base naman sa trailer ng “Darna” series na hatid ng JRV Creatives ay okay ang dating ni Jane, ang ganda nga ng pagkakasigaw niya ng “Darnaaaa!” sa viral trailer ng programa na idinirek ni Chito Roño.
Pero ang tanong, boses nga kaya ni Jane ang ginamit sa pagsigaw ng “Darnaaaa!” o may ibang nag-dub nito para sa kanya.
https://bandera.inquirer.net/316577/darna-mural-alay-sa-mga-tunay-na-pinoy-superhero-jane-joshua-janella-saludo-sa-mga-bagong-bayani
https://bandera.inquirer.net/315103/jane-de-leon-handang-handa-nang-makipagbakbakan-kay-janella-salvador-sa-darna-magtutuos-na-kami
https://bandera.inquirer.net/313927/jane-de-leon-biglang-naiyak-nang-isuot-ang-darna-costume-parang-doon-lang-nag-sink-in-sa-akin-na-this-is-it