Janine Berdin at DJ Loonyo
BARDAGULAN online ang naging eksena nina DJ Loonyo at Janine Berdin na nagsimula sa isang controversial meme na kumalat sa social media.
Hindi nagustuhan ni DJ Loonyo ang aniya’y offensive joke ni Janine nang gawin nitong Facebook cover photo ang isang meme about him na ginawa ng isang netizen.
Ipinost ng DJ at dancer sa kanyang social media account ang screenshot ng FB page ni Janine kung saan makikita ang meme tungkol sa petisyong palitan na ang pangalan ng NAIA at gawing “DJ Loonyo International Airport.”
Ang nakalagay sa caption ng petisyon ay, “DJ is the only hero (hawak bayag dance step).” Obviously, na-offend dito ang TikTok star.
Base sa screenshots na ibinahagi ng DJ, nag-send siya ng private message kay Janine. Aniya, “Ma’am sorry (praying emoji). May natitira pa po ba kayong respeto? may nagawa ba ako sayong mali?”
Dumepensa naman si Janine sa mensahe ni DJ Loonyo, “Hala kuya. Hello po! It’s really just a meme that I found super funny. I found it online. I didn’t really mean any harm.
“Ano po kaya context ng meme? i just thought it meant to change the name of the airport to you like poking fun,” katwiran pa ng dalaga.
Dugtong pa ng singer, “Like poking fun. Super random hahaha. Really didn’t mean any harm! I don’t think people found it degrading to you as well po! But if you want I could always take it down, Kuya!”
Ngunit tila mas lalong nabwisit si DJ Loonyo sa naging katwiran ni Janine kaya ipinost na niya sa Facebook ang palitan nila ng mensahe.
Ani DJ Loonyo, “Nakakatakot yung utak ng mga gantong tao (thumb’s down emoji). Pag kayo ginanyan ISSUE, HEADLINE AND BASH AGAD.
“Katuwaan? Tapos binabash and pinagttripan yung taong involved?
“@janineberdin Ur better than that for sure. Godbless your soul. Weird sh*t,” aniya pa.
Dagdag pa ni DJ Loonyo, “Kung wala kayong magawa, pagtripan niyo sarili niyo wag ibang tao… Maging sensitive tayo minsan, di natin alam pinagdadaanan ng isa’t isa satin.
“In-expect ko yung mga matagal na or kahit papano nauna sa industriya ay kahit papano alam ang ‘RESPETO NA LANG SANA’.
“Pero para katuwaan, sigeeee, Go lang, kahit iba na yung napuntahan ng KATUWAAN.
“Weird sh*t!!! PANGALAN MO SAYO YUNG AIRPORT, Baka ikaw yung may gusto hindi ako,” sabi pa ng DJ.
Kasunod nito, nag-post naman si Janine sa Instagram Story at nag-react sa pagpo-post ni DJ Loonyo sa FB ng kanilang private chat.
Ipinagdiinan niyang wala siyang masamang intensiyon sa pagpo-post ng meme ni DJ Loonyo, “People use my name to poke fun all the time as well. Hell people talk shit and laugh at me as well.
“I’m not saying that’s what the meme was doing kasi it wasn’t meant to be degrading at all.. but yeah! It’s what comes along when you’re a public figure. no big! smile po kayo!” aniya pa.
https://bandera.inquirer.net/283369/dj-loonyo-nakabili-na-ng-sariling-bahay-para-sa-pamilya-may-negosyo-pa-para-sa-ina
https://bandera.inquirer.net/314760/anne-inasar-asar-ni-vice-dahil-sa-viral-irap-at-taas-kilay-video-kasi-kung-ako-siguro-ang-gumawa-nun-na-bash-na-ko
https://bandera.inquirer.net/297911/jk-labajo-puring-puri-si-janine-berdin-her-voice-is-just-unique-shes-really-kind-humble