Lala Sotto-Antonio at Bongbong Marcos
NANUMPA na ang anak ni dating Senate President Tito Sotto na si Lala Sotto-Antonio bilang bagong chairperson ng Movie and Television Review and Classification Board (MTRCB).
Si Lala ang nadagdag sa mga bagong appointees ni President Ferdinand “Bongbong” Marcos, Jr. ilang araw pa lamang matapos ang inagurasyon nito bilang Pangulo ng bansa.
Sa kanyang social media accounts, ibinahagi ni Lala ang ilan niyang litrato matapos ang naganap na oathtaking kanina sa Palasyo ng Malacañang.
Siya ang pumalit sa dating chairman of the board na si Atty. Jeremiah Jaro.
“Maraming salamat po sa inyong pagtitiwala Pangulong Ferdinand Marcos, Jr. sa pagtatalaga sa akin bilang kinatawan o chairperson ng Movie and Television Review and Classification Board,” ang bahagi ng speech ni Lala.
Bago na-appoing bilang bagong chairperson ng MTRCB, nagsilbi muna si Lala bilang Quezon City councilor sa loob ng 18 years.
Tumakbo siya last May 9 elections bilang second nominee ng AGAP Party-list (bilang representante ng mga magsasaka) ngunit isang pwesto lamang ang nakuha nila para sa 19th Congress.
Nagbahagi rin ng mensahe ang ama ni Chair Lala na si Tito Sen sa bago nitong posisyon sa gobyerno.
“Thanking the President for the trust and confidence. I believe she will do well given her background.
“Besides, she has two excellent women former chairpersons to emulate, Sen. Grace Poe and Congresswoman Rachel Arenas,” aniya pa.
https://bandera.inquirer.net/291959/3-direktor-ng-viva-hindi-pabor-na-makialam-ang-mtrcb-sa-mga-pelikula-sa-digital-platforms
https://bandera.inquirer.net/317822/pag-alis-ni-liza-dino-bilang-chairperson-ng-fdcp-ikinalungkot-ng-mga-taga-movie-industry
https://bandera.inquirer.net/301980/mga-sinehan-sa-ncr-bukas-pa-rin-sa-ilalim-ng-alert-level-3-mtrcb