Candy Pangilinan at Quentin
PROUD na proud na ibinandera ng veteran comedienne na si Candy Pangilinan sa buong universe ang bagong achievement ng kanyang anak na si Quentin.
Nag-graduate na kasi sa junior high school si Quentin na sa kabila ng kanyang mental condition ay talagang pinatunayan niya na kaya rin niyang maging magtagumpay sa buhay.
Sa kanyang Instagram page, ipinost ni Candy ang mga litrato ni Quentin na nakasuot ng barong. Ipinakita rin ng komedyana sa publiko ang medal at certificate ng anak.
Aniya sa caption, “Quentin graduates grade 10! Thank you to all our teachers from Grade 1 to present, dami po kayo from teacher Amor to teacher Frank.
“Thank you to all therapists from our first OT teacher Tisha, Teacher Sean, Teacher Giselle, to Teacher Yani. Too many therapists to mention.
“To every person who has joined us in our journey, my family mom, tita MM, my siblings Ate Marissa, kuya Boboy, kuya Phey, pamangkins holli, ehrlich and their children of course, Camille. To all caregivers, household help, drivers. Thank you @quendy corner for your love and care.
“Ang daming dapat pasalamatan pati mga guards na pinagbigyan kami sa pagwawala ni Quentin. To everyone we have encountered in one way or another. Salamat.
“And to my spiritual mentor, thank you for the guidance and understanding. To God, our Father all glory to You! Everything by Your grace and mercy,” pahayag ni Candy.
At ngayong tapos na sa junior high school si Quentin, handang-handa na rin daw si Candy sa mga susunod na challenges haharapin nilang mag-ina,” Next level na po tayo. The journey continues.”
Pagpapatuloy pa niya, “Quentin may have taught me more than I have taught him. Thank you Quentin. Congratulations!”
“PS: Sobrang enthusiastic ni Quentin nasira yung barong. Nagka-slit. Hahaha! Congratulations to all graduates!” pahabol pang mensahe ni Candy.
Ilan sa mga celebrities na bumati kay Quentin ay sina Janice de Belen, Nikki Valdez at Carmina Villarroel.
https://bandera.inquirer.net/310741/candy-umaming-hindi-na-alam-ang-gagawin-kapag-sinusumpong-ang-anak-na-may-adhd-you-can-cry-but
https://bandera.inquirer.net/284706/candy-itinuturing-na-himala-ang-anak-na-si-quentin-hes-my-ticket-to-heaven
https://bandera.inquirer.net/289364/anak-ni-candy-na-si-quentin-sumabak-na-sa-training-bilang-altar-server