Cesar Montano, Diego Loyzaga, Ruffa Gutierrez, Cristine Reyes at Ella Cruz
TULAD ng ginawa niyang preparasyon noong bumida sa life story nina Jose Rizal at Andres Bonifacio, todo rin ang paghahanda ni Cesar Montano sa pagganap bilang si dating Pangulong Ferdinand Marcos, Sr..
Kung wala nang naging problema, simula na ang shooting para sa bagong historical movie ng Viva Films, ang “Maid in Malacañang” na pagbibidahan nga ni Cesar at ng anak niyang si Diego Loyzaga na gaganap naman bilang batang Bongbong Marcos.
Ayon sa award-winning veteran actor, mas natetensiyon at mas natsa-challenge siya sa pagganap bilang si former President Marcos dahil na rin sa kontrobersyal na buhay nito.
“I’ve done movies on national heroes like Jose Rizal and Andres Bonifacio, but kakaiba ito kasi it is all about the last 72 hours of the Marcoses before they left Malacanang in 1986.
“Never kong naisip na gagampanan ko pala siya balang araw. Like him, I care for agriculture because I love farming and planting.
“I tried to do more research on FM but kakaunti lang ang available na videos on him, so I want to talk to Sen. Imee Marcos so I can ask her about how her father felt at that time, para naman I can give justice to the role,” ani Cesar sa ginanap na virtual mediacon ng nasabing pelikula na ididirek ni Darryl Yap.
Sabi pa ng aktor, “I have questions for her (Sen. Imee) and I know her input will be really valuable kasi sila talaga ang magkakasama noong mga panahong yun. Yung last 72 hours na nasa Malacañang sila prior to their departure.”
Ito rin ang unang project na pagsasamahan nila ng kanyang anak na si Diego, “I’m excited. This is actually the very first time for us to work together in a film, playing father and son.
“I can never be more proud as a father, seeing him being entrusted this role of a lifetime, our President-elect Bongbong Marcos. I can’t wait to see the finished product,” sey ng dating action star.
Papuri pa niya sa anak nila ni Teresa Loyzaga, “He has improved a lot. I wouldn’t be surprised if he would be receiving acting awards and collecting them soon. He was joking with me about this project. He was asked if he feels the pressure acting with me. He told me, ‘Dad, don’t worry, I got you here. Aalalayan kita.'”
Ayon naman kay Direk Darryl, the film will show us the lighter and more carefree side of the First Family, that until now has never been shared with anyone.
It will also introduce characters and storylines that make the First Family more relatable and normal like other Filipino households with close family ties. It is the quintessential Filipino family sticking together braving all odds.
Ka-join din sa “Maid In Malacañang” sina Ruffa Gutierrez as First Lady Imelda Marcos, Cristine Reyes as Imee, Ella Cruz as Irene, Kyle Velino as Greggy Araneta at Kiko Estrada as Tommy Manotoc.
Ang mga gaganap namang maid o kasambahay ng Marcos family ay sina Elizabeth Oropesa as Yaya Lucy, Karla Estrada as Yaya Santa, at Beverly Salviejo as Yaya Biday.
Nakatakdang ipalabas ang “Maid In Malacanang” sa mga sinehan nationwide simula sa July 20.
https://bandera.inquirer.net/316857/diego-patung-patong-na-pressure-ang-napi-feel-sa-pagganap-bilang-bbm-cesar-great-blessing-ang-pagbibida-sa-maid-in-malacaang
https://bandera.inquirer.net/313142/cesar-sa-bashers-hintayin-na-lang-po-natin-kapag-nakaupo-na-si-sen-robin-its-unfair-to-judge-him-now
https://bandera.inquirer.net/297870/diego-mas-naging-malapit-uli-kay-cesar-nang-dahil-sa-covid-balak-humingi-sa-ama-ng-acting-tips