Leni Robredo at Nadine Lustre
SUPER proud pa rin ang award-winning actress-singer na si Nadine Lustre kay Vice President Leni Robredo kahit natalo ito sa nakaraang presidential elections.
Alam daw ng dalaga na ginawa ni VP Leni ang lahat-lahat para sa kapakanan ng mga Filipino sa anim na taong paglilingkod nito bilang public servant.
Pero aminado si Nadine na medyo natagalan bago niya natanggap ang naging resulta ng halalan at tulad ng mga kapwa niya Kakampinks, malungkot at dismayado rin siya sa pagkatalo ni VP Leni.
“Honestly, who wouldn’t be sad naman, di ba? I was also a bit disappointed. It took me a while before I got to like accept it just because of course she is someone that you believe in.
“She is who you were rooting for, di ba? I mean, I’m very respectful with everyone’s decisions.
“But siyempre, everyone was so invested in it and it’s like mixed energies from everyone else and all the people around me who believe in the same candidate as me,” sabi pa ng aktres.
“Grabe ‘yun (election season). Naaalala ko nu’ng election I was nervous for a couple of days before and after so it was really stressful but at the end of the day I guess it is what it is but I’m really happy that Madam Leni is not taking a break.”
Pangako naman ng dalaga, itutuloy pa rin niya ang pagtulong at pagsuporta sa mga gagawing projects ni VP Leni kahit wala na ito sa pwesto, “She is doing whatever she can and I’m still here to stand by her.”
Isa si Nadine sa napakaraming celebrity na nagpakita ng pagmamahal at suporta kay VP Leni at sa runningmate nitong si Sen. Kiko Pangilinan noong nakaraang national elections.
Natalo ni President-elect Ferdinand “Bongbong” Marcos si VP Leni habang naungusan naman ng milya-milya ni Vice President-elect Sara Duterte si Kiko.
https://bandera.inquirer.net/313358/nadine-inasar-ng-hater-sa-pagkatalo-ni-vp-leni-i-have-no-regrets-and-will-forever-stand-by-it
https://bandera.inquirer.net/293677/si-nadine-lustre-na-nga-ba-ang-bagong-andi-eigenmann
https://bandera.inquirer.net/306731/aktor-napikon-nang-matalo-sa-isang-award-giving-body-bakit-e-mas-magaling-naman-ako