Sharon Cuneta at Judy Ann Santos
DALAWANG dekada na ang itinatakbo ng pagkakaibigan nina Megastar Sharon Cuneta at Soap Opera Queen Judy Ann Santos.
At bilang bahagi ng kanilang pagse-celebrate para sa 20 years of friendship, nagbigay ng madamdaming mensahe si Sharon para kay Juday na itinuturing na niyang parang tunay na kapatid.
Sa kanyang Instagram post, ibinahagi ng OPM at movie icon ang screenshots ng pagpapalitan nila ng message ng misis ni Ryan Agoncillo, kabilang na rito ang isang sulat bago ang 2022 election results.
Tumakbong vice president ang asawa ni Mega na si Sen. Kiko Pangilinan last May 9 elections ngunit natalo ni Sara Duterte.
Ang nakasaad sa letter ni Juday, “Sa dami ng mga nangyayari ngayon, I hope you’ll find comfort with these food I made for you and the whole family.
“Each day is truly a blessing … may mga pagsubok man, nalalagpasan pa rin with a lot of help from our chosen family, which is our friends,” Santos said in the letter dated May 22.
“I’ll forever be here for you always, Ate, anuman ang mangyari (wala ka nang choice, ipagsisiksikan ko ang buong kaluluwa ko sa’yo.)
“Mahal na mahal kita, Ate, mahal na mahal ka namin, ang buong pamilya mo. Please take good care of yourself. Always! Enjoy, Ate! Eat plenty!” mensahe pa ng aktres.
Ang caption naman ni Mega sa kanyang post, “This is from my sister Juday, who sent it over with lots of food that she herself cooked before I left Manila for taping in Ilocos.
“Following is part of our text exchange, which of course I asked permission to post too…These are the things I bring with me wherever I go—notes from my children and Kiko and my truest friends. I often reread them when I am feeling down.
“I am blessed with just a few friends, but REAL ones…never expecting anything back except my love and friendship too…They are truly blessings I treasure,” lahad pa ng Megastar.
Sa huli, muling ibinandera ni Shawie ang pagmamahal kay Juday, “I love you, Juday, my sister-by-choice. With all of my heart and from the very depths of it.
“On our 20th year of friendship this 2022, I can only look forward to our bond strengthening even more, as it has only strengthened over the years after our only movie together thus far…Mahal na mahal na mahal kita.
“Hindi lang talaga dugo ang nagiging pamilya. Minsan nga, mas higit pa.
“Tatanda na tayo together, and like we always say, ‘Hanggang sa kabilang buhay di na tayo magkakahiwalay.’ Thank you for loving me for all that I am, flaws and all. I truly love you and thank God for you,” pahayag pa ni Sharon.
Nagsimulang maging super close ang dalawang showbiz icon nang gawin nila ang pelikulang “Magkapatid” noong 2002.
https://bandera.inquirer.net/313487/gusto-kong-maging-part-ng-family-nina-regine-at-ogie
https://bandera.inquirer.net/299118/bitoy-halos-3-dekada-na-sa-gma-basta-you-care-about-each-other-hindi-mo-pipiliin-na-umalis-pa
https://bandera.inquirer.net/308914/carmina-inalala-ang-naging-simula-ng-friendship-nila-ni-gelli-nakita-niya-ako-na-parang-kawawang-bata-sa-isang-event