Jameson Blake, Gerald Anderson, Ivana Alawi, Sam Milby ay Jake Ejercito
“MAGUGULAT ang mga fans niya pati yung mga nanonood sa kanya sa YouTube!”
Yan ang paniniguro ni Gerald Anderson patungkol sa leading lady niya sa upcoming teleserye ng ABS-CBN na “A Family Affair” na si Ivana Alawi.
Kahit daw siya ay nagulat sa mga ipinakita ni Ivana sa bago nilang sexy-drama series at sure na sure raw siya na maraming aabangan ang mga manonood sa sikat na YouTuber.
Kuwento ni Gerald, lahat sila sa set ay nagtutulungan para mapaganda ang bawat eksena sa “A Family Affair” kung saan makakasama rin nila sina Sam Milby, Jameson Blake at Jake Ejercito.
Aniya, sa karakter ni Alawi nakasentro ang kuwento, “If she wins, we all win. Sa kanya umiikot ’yung buong istorya, ’yung apat na magkakapatid, lahat kami connected sa kanya.”
“As her first lead role, ano ako sa ganyan, eh, na makita mo ’yung growth ng tao, makikita mo ’tong oportunidad na binigay sa kanya tapos ginagawa niya ’yung maganda. Mayroon akong soft spot sa ganyan eh,” pahayag pa ng aktor sa solo virtual mediacon niya kahapon.
Pinuri rin niya ang sipag at professionalism ni Ivana pagdating sa trabaho, “I will do my best for her to shine in this and ang ganda. Magugulat ’yung mga audience, magugulat ’yung fans niya ang alam ko lang before is YouTube star siya.
“Nagulat ako sa performance niya na ibinibigay niya, sa passion niya, sa professionalism niya kung paano siya makipagtrabaho, maraming matutuwa at ’yung audience niya sa YouTube, magugulat ka sa Ivana na mapapanood niyo,” pahayag pa ng boyfriend ni Julia Barretto.
Tungkol naman sa mga sexy at intimate scenes nila ni Ivana sa serye, promise ni Gerald, ibang “putahe” naman ang ihahain nila sa “A Family Affair.”
“Nakailang love scenes na rin ako but it’s always a challenge kung paano ibahin. Kailangan iba sa kung paano ko nagawa dati kasi ’yun din ang challenge kapag sunod-sunod ang trabaho.
“’Yung audience natin will sit down and watch, gusto mo silang bigyan ng ibang klase, di ba? Si Ivana is very professional, alam ko na gusto ni Ivana ’yung ginagawa niya kahit deep down mahirap nga kita mo na gusto niya,” pahayag pa no Gerald.
Wala pang eksaktong petsa kung kailan magsisimula ang “A Family Affair” pero mapapanood ito sa Kapamilya Channel, Kapamilya Online Live, A2Z, TV5, at iWantTFC.
https://bandera.inquirer.net/314523/ivana-umaming-super-crush-si-sam-pero-takot-na-takot-sa-unang-araw-ng-taping-nila-para-sa-a-family-affair
https://bandera.inquirer.net/306737/gerald-sam-magsasama-sa-seryeng-a-family-affair-si-ivana-nga-ba-ang-napiling-leading-lady
https://bandera.inquirer.net/281374/kung-may-nilabag-akong-batas-eh-di-kasuhan-na-lang-nila-pero-lalaban-ako