Ping Lacson, Pampi Lacson, Iwa Moto, Hiromi Aiko Eve at Caleb Jiro
IMBIYERNA ang dating Kapuso actress na si Iwa Moto sa isang babae na nang-aasar sa live-in partner niyang si Pampi Lacson.
Tinawag niyang “Karen” ang nasabing girl na nanunukso raw kay Pampi sa babaeng nirereto nito noon sa anak ni Sen. Ping Lacson.
Sa pamamagitan ng kanyang Facebook account, binantaan pa ni Iwa ang tinutukoy niyang girl at sinabihang huwag na huwag nang tatawagan si Pampi.
“Girl kung aasarin mo si Pampi sa babaeng nirereto mo sakanya dati. Siguraduhin mong di ko naririnig ah.
“Karen (di ko alam last name) wag ka na papakita sakin ah. Wag ka na din tatawag sa boyfriend ko. Pinag iinit mo ulo ko eh,” ang warning pa ng aktres at celebrity mom.
Samantala, idinaan din ni Iwa Moto sa social media ang pagbati sa kaarawan ng kanyang longtime partner last Sunday, May 29.
Nag-post si Iwa sa Instagram ng litrato nila ni Pampi kasama ang kanilang pamilya at nilagyan ng caption na, “Happy birthday @iampampi. We love you dada. Thank you for being our Hero mahal. You are such a great person.”
May dalawa nang anak ang mag-partner, sina Hiromi Aiko Eve, 7, at Caleb Jiro, 2. May anak din si Pampi sa Kapamilya actress na si Jodi Sta. Maria, ang teenager na ngayong si Thirdy.
https://bandera.inquirer.net/313524/iwa-moto-sa-pagkatalo-ni-ping-lacson-youre-still-our-champion-you-are-our-hero-its-not-your-loss
https://bandera.inquirer.net/312291/iwa-moto-tinawag-na-pakialamerang-palaka-ng-netizen-bet-na-mag-debate-sina-leni-at-ping
https://bandera.inquirer.net/281546/anak-ni-jodi-bina-bash-ng-netizens-niloko-nga-ba-ang-dyowa