Guess, guess who!? Ma-gets n’yo kaya kung sinu-sino sila? Hula na!
HINDI kami makapaniwala na ang kilalang aktres na may asawa na ngayon at well-known din sa showbiz industry ang hubby ay tila nali-link sa isang aktor na kasama niya sa pelikula.
Tsika ng aming source, napansin ng mga kasama niya sa pelikula na kakaiba ang tinginan at kilos ng kilalang aktres at ng aktor at kahit matagal nang tapos ang eksena ng huli ay hindi pa ito umaalis at hinihintay ang una.
May eksena pang sweet silang nagbibiruan at may mga pa-touch-touch pa pareho sa braso at balikat.
Sa pagkakaalam namin ay nagsasama at okay naman ang kilalang aktres at hubby nito at sa katunayan ay maayos sila kapag magkasama sa mga showbiz gatherings kasi nga well-loved din naman ang couple.
Anong nangyari, balik tanong namin sa aming source? “Well, ang dinig ko ay open relationship silang mag-asawa, meaning they can still date.”
Matagal bago kami nakasagot sa narinig namin dahil sa totoo lang ngayon lang kami nakarinig ng ganito unless inbalido na ang isa sa mag-asawa na hindi na nila kayang paligayahin ang isa’t isa kaya nagkakaroon ng pangangaliwa o pagpatol sa iba pero nananatiling magkasama pa rin.
Ang kilalang aktres at hubby niya ay parehong bata pa at malakas kaya nakagugulat talaga na may ganu’n silang agreement.
Naalala naming bigla ang pelikulang “Open” nina JC Santos at Arci Muñoz na idinirek ni Andoy Ranay na isa sa mga entry sa 2019 Pista ng Pelikulang Pilipino. Ganito rin kasi ang tema ng kuwento nito pero ang pagkakaiba ay live-in pa lang pa lang ang mga bidang karakter.
Anyway, wala pang anak ang mag-asawang aktres at negosyante kaya siguro nagagawa pa nila ang mga gusto nilang gawin sa buhay nila.
https://bandera.inquirer.net/299556/paghuhubad-ni-kylie-sa-pelikula-bina-bash-im-an-actress-at-meron-pa-akong-pwedeng-ipakita
https://bandera.inquirer.net/305070/kris-pinakilig-ang-fans-sa-birthday-message-kay-mister-to-the-man-who-cant-keep-up-with-my-kaartehan
https://bandera.inquirer.net/291762/francine-naibili-na-ng-bahay-at-sasakyan-ang-pamilya-pangarap-ding-makakuha-ng-college-diploma