Jovie Albao at Freddie Aguilar
NAPA-SANA All na lang ang mga netizens nang bumandera sa social media ang bagong litrato ng OPM legend na si Freddie Aguilar kasama ang kanyang asawang si Jovie Albao.
Pinusuan at ni-like ng libu-libong Facebook users ang ipinost ng photo ni Ka Freddie sa kanyang FB account kung saan makikita ang pagde-date nila ng batambata niyang misis.
Kuha ang nasabing litrato sa isang restaurant sa isang mall sa Quezon City noon pang May 14 pero ngayon lang ito pinag-usapan ng madlang pipol dahil nga sa dami ng nag-react at nag-comment.
Kinilig ang mga netizens at napa-hashtag #SanaAll pa ang mga ito nang mabasa ang inilagay na caption ni Ka Freddie sa litrato nila ni Jovie.
“Lunch date kami ni bhabe kanina lang sa Italiannis UP Town Center. Love you bhabe ko,” ang mensahe ni Freddie.
Narito ang ilan sa mga nabasa naming comments mula sa kanyang FB followers.
“Stay in-love Ka Freddie Aguilar at gawa ka ulit ng mga kantang makabayan at kantang mapagmahal.”
“Lodi Freddie Aguilar your my ido…mula elementary ako yong nakakaintindi na ako ng mga ibig sabihin ng laman ng mga kinakanta mo doon po nagsimula na nagustohan ko ang mga awitin m po at mapa sa hanggang ngayon po ay patoloy ko po na kinakanta ang iyong mga awitin. Lalo na po mag busking ako sa mall at saan man ako kakanta lagi ko kinakanta mga songs mo po napaka ganda… godbless po sayo idol..lagi ka pong mag iingat sa lahat ng oras.”
“Grabe lodi tlga kta since birth sir freddie aguilar!! Lahat ng kanta mo kabisado ko!! Stay in love wit each other God bless.”
“Because of this? I’ve got a CLEAR VISION, STRONG MISSION, UNWAVERING FAITH, STUPENDOUS GOALS AND GENUINE PURPOSE in LIFE! Thanks Sir Freddie.”
“Nice ka Freddie Aguilar i love your all song lalo nat mula ng pinanganak panganay ko
Tagos sa puso ang ANAK.”
“Love you babe he he. Goodnight kuya from Singapore to Philippines. sweet couple.”
“Take care kuya. injoy lang po Ang Oras natin habang malakas pa Tayo. Tama po Yan pra mas humaba pa Ang buhay natin kalakip din ng song natin ay pag injoy Kasama Ang mahal sa buhay.maliban sa tulad kong nag iisa kuya .God bless u.”
Matatandaang nagpakasal noong 2013 sina Ka Freddie at Jovie sa pamamagitan ng isang Muslim wedding sa Buluan, Maguindanao.
Inulan ng kritisismo ang kanilang pagpapakasal dahil nga menor de edad pa (16 years old) si Jovie nu’ng panahong iyon habang 60 naman ang OPM icon.
Sinabi naman ni Jovie sa isang interview na hindi siya pinilit na magpakasal kay Freddie, “Siyempre masaya ko, kasi hindi naman nabubuhay para sa ibang tao.
“Nabubuhay kami para sa sarili namin. ‘Yung ginagawa namin dahil gusto namin ‘to, mahal namin ang isa’t-isa at pinapatunayan lang namin ang pagmamahal namin,” aniya pa.
Sabi naman ni Freddie, “Sana tumigil na ‘yung mga detractors namin. Kasi kaya nga kami nagpakasal kasi ayaw ngang tumigil ‘yung mga paninira sa aming dalawa.
“So naisipan naming dalawa na kung magpapakasal na kami ay titigil na lahat, hindi na nila iisipin na kasalanan ‘yung ginagawa namin,” sabi pa ng award-winning singer-songwriter.
https://bandera.inquirer.net/311200/fake-and-flabby-abs-ni-maine-nagpasabog-ng-good-vibes-sa-socmed-jennylyn-dennis-super-atat-nang-makita-ang-anak
https://bandera.inquirer.net/292690/iba-pang-litrato-nina-paolo-yen-sa-baguio-naglalabasan
https://bandera.inquirer.net/288920/heaven-kiko-nakitang-magkasama-sa-birthday-party-magdyowa-na-nga-ba