James Reid, Liza Soberano at Jeffrey Oh
NILAGYAN ng malisya ng ilang netizens ang pagpunta ni Liza Soberano sa Los Angeles, California kasama ang ex-boyfriend ni Nadine Lustre na si James Reid.
Spotted kasi last Saturday, May 21, sina Liza at James na magkasamang um-attend sa Gold House Gala sa Amerika na dinaluhan din ng mga sikat na international celebrities.
Sa mga hindi pa masyadong aware ang Gold House “is a changemaker community which promotes Asian and Pacific Islander (API) creatives and companies. The first-ever Gold Gala was a gathering of API leaders and allies.”
Sa kanyang Instagram page, makikita ang ilang litrato ng aktres kung saan kasama nga niya si James at si Jeffrey Oh, ang CEO ng music label ng aktor na Careless.
“Had a great time at Gold House’s 1st Annual Gold Gala in Los Angeles,” ang caption ni Liza sa kanyang post.
At dahil nga rito, may mga netizens ang nagtatanong kung hiwalay na ba sina Liza at Enrique Gil at bakit nga si James ang ka-date nito sa nasabing event.
Ayon sa manager ng Kapamilya actress na si Ogie Diaz, naniniwala siya na very much together pa rin ang LizQuen at matagal nang magkaibigan ang dalaga at si James.
Sabi pa ni Ogie, nais karirin ni Liza ang pagtupad sa kanyang Hollywood dream at malaking tulong nga sa kanya ang pagdalo sa mga showbiz events sa US.
“Ang alam ko talaga ‘yun nga, iba na ang career na tatahakin ni Liza. May career pa rin siya rito pero gusto niyang magkaroon din ng opportunity sa Hollywood,” pahayag ng talent manager sa bagong vlog niya sa YouTube.
Pagpapatuloy ni Ogie, “Ang importante ngayon kay Liza ay ang kanyang inner happiness at ‘yan naman ay nakikita ko sa kanya na happy siya inside, ‘yun ang importante.”
Kasunod nito, nagsalita rin siya tungkol sa iniintrigang relasyon nina Liza at Enrique, “Ako naniniwala na sila pa rin. Nagkataon lang na may family affair si Quen sa Spain at ‘yung kanyang tour doon sila ay mayroon din.
“Basta ako naniniwala friends si Liza at si James Reid,” diin pa no Ogie.
Kasalukuyan ngang nasa Spain si Enrique kasama ang kanyang pamilya habang nananatili pa rin sa Amerika si Liza with her brother. At kami rin ay naniniwala na walang malisya ang friendship nina Liza at James.
https://bandera.inquirer.net/284349/true-ba-liza-lalaban-sa-miss-universe-ph-next-year-matapos-matalo-si-rabiya
https://bandera.inquirer.net/284850/ogie-sa-haters-ni-liza-wala-namang-nakikitang-maganda-ang-bashers-kaya-nga-sila-bashers-di-ba
https://bandera.inquirer.net/285036/rabiya-walang-malisya-ang-relasyon-sa-ex-pbb-housemate-im-not-available