Gerald Anderson, Ivana Aliw at Gerald Anderson
WALANG bahid ng katotohanan ang mga tsismis na nag-iinarte at ayaw nang gumawa ng teleserye sa ABS-CBN ang sexy star at sikat na vlogger na si Ivana Alawi.
Patunay nga rito ang pagtanggap niya sa upcoming series ng Kapamilya Network na “A Family Affair” kung saan makakasama niya sina Gerald Anderson, Sam Milby, Jake Ejercito at Jameson Blake.
Makalipas nga ang dalawang taon mula nang pumirma siya ng exclusive contract sa ABS-CBN, bibida na nga si Ivana sa kanyang launching serie.
Ibig sabihin nga nito, hindi totoong ayaw nang gumawa ni Ivana ng serye dahil malaki na ang kinikita niya sa kanyang YouTube channel at hindi na niya kailangan pang magtrabaho nang bonggang-bongga.
Kung matatandaan, taong 2020 nang ihayag ng ABS-CBN ang launching project ni Ivana, ang sexy-drama na “Ang Lihim Ni Ligaya.” Ngunit nag-back out nga rito ang dalaga dahil sa COVID-19 pandemic.
“Actually, ever since naman, gustung-gusto kong gumawa ng teleserye with ABS-CBN, yung timing lang talaga.
“The last show that I was supposed to do, biglang dumating yung pandemic, yung COVID and I was keeping my family safe.
“Pero ngayon kasi parang may vaccine na and very strict ang protocols ng ABS-CBN especially with the tapings, I feel safe naman kaya gustung-gusto ko rin gumawa ng teleserye,” dire-diretsong pahayag ni Ivana sa solo mediacon na ibinigay sa kanya ng production kahapon, May 24 para sa nasabing proyekto.
Patuloy pa niyang pahayag, “Kasi very important talaga ang ABS-CBN sa akin, it’s very close to my heart, it’s my dream network.”
Aniya, may dahilan ang lahat ng nangyayari sa kanyang buhay, lalo na sa takbo ng kanyang career kaya feeling niya, ito na ang perfect time para magbalik-telebisyon.
“Ayun nga, in God’s perfect time kasi yun nga, dumating na yung COVID, pandemic, nag-lockdown tayo so I learned more things habang naka-lockdown.
“So I try to look at things personally na parang kapag may nangyayari, may dahilan si God,” ani Ivana na isa pa rin sa pinagpapantasyahan ng mga kalalakihan dahil sa kanyang kaseksihan.
Noong 2017 nagsimulang makilala si Ivana dahil sa kanyang role sa Kapamilya primetime series na “FPJ’s Ang Probinsyano” kung saan naging lover siya ng yumaong movie and television icon na si Eddie Garcia.
Pagsapit naman ng 2019, naging isa siya sa lead cast ng suspense serye ng ABS-CBN na “Sino Ang Maysala” kung saan nakasama niya sina Jodi Sta. Maria, Kit Thompson, Bela Padilla, Tony Labrusca at marami pang iba.
At ngayon nga, magbibida na siya sa sarili niyang drama series, ang “A Family Affair” produced by Star Creatives, and directed by Jerome Chavez Pobocan and Raymund Ocampo.
https://bandera.inquirer.net/314159/ivana-alawi-ikinumpara-sa-bulalo-sina-gerald-anderson-at-sam-milby
https://bandera.inquirer.net/281444/ivana-walang-kalandiang-dyowa-hindi-ako-naghahanap-hindi-rin-ako-nagmamadali
https://bandera.inquirer.net/300616/derek-ellen-sa-2022-balak-gumawa-ng-baby-gusto-ko-boy-hindi-ko-kaya-pag-babae-marami-akong-gugulpihin