Myrtle Sarrosa
MAY mga nanliligaw at pumoporma namang mga guys sa Kapuso actress at gamer-streamer na si Myrtle Sarrosa.
Pero ayon sa dalaga na unang nakilala sa entertainment industry bilang cosplayer, wala pa siya talagang sapat na oras para pumasok sa seryosong relasyon.
“May mga nagpaparamdam naman in my community, mayroon naman. Kwento ko na lang sa yo kapag medyo official na,” chika ni Myrtle sa panayam ng “Surprise Guest with Pia Arcangel.”
Dagdag ng Kapuso star, hindi pa niya maisama sa listahan ng kanyang top priority sa buhay dahil sa kaliwa’t kanan niyang trabaho bukod pa sa hindi rin daw siya masyadong lumalabas ng bahay.
“Sa ngayon kasi I’m always on the grind sa work e, so hindi ko nabibigyan ng oras. Lalo na parang hindi naman ako lumalabas ng bahay.
“So ano talaga, ‘yung mga nakakasama ko talaga is really my family and my dad and my mom na supportive sa ginagawa ko,” katwiran pa niya.
Pero ipinagdiinan niya na super active naman ang kanyang social life, “I think most of my community ngayon kasi is mga investors rin into gaming.
“Mga community ko ngayon mga people who are actually business-minded na lagi nilang sinasabi sa akin na parang, okay so we can do this or ‘yung team ko.
“Kasi mayroon din akong parang sariling production team sa mag content ko ngayon sa pages ko,” pahayag pa ni Myrtle.
“So hindi naman ako nauubusan ng social life, kaso minsan ang ano talaga e, I wish we had more hours in the day,” hirit pa ng dalaga.
Hindi masyadong maingay ang past relationships ni Myrtle pero aminado siya na super crush niya ang Kapuso broadcast journalist na si Atom Araullo.
Bukod dito, gustung-gusto rin niyang makatrabaho in the future sina Alden Richards at Derrick Monasterio. Matagal na niyang sinasabi na isa si Alden sa mga Kapuso stars na pangarap niyang maging leading man.
https://bandera.inquirer.net/307026/payo-ni-myrtle-sarrosa-sa-kabataan-huwag-madaliin-ang-lovelife-and-avoid-teen-pregnancy
https://bandera.inquirer.net/283532/myrtle-sarrosa-nagka-chronic-intestinal-disease-dahil-sa-sobra-sobrang-kape-karne
https://bandera.inquirer.net/294780/bine-baby-hugot-post-ni-kc-patutsada-nga-ba-kay-mega