Jennylyn Mercado at Baby D
IPINASILIP na ng Kapuso couple na sina Dennis Trillo at Jennylyn Mercado ang mukha ng bagong silang nilang anak na si “Baby D”.
Sa pakikibahagi sa selebrasyon ng Mother’s Day kahapon, nag-post ang Kapuso Drama King sa Instagram ng litrato ni Jennylyn habang kalong ang kanilang baby.
In fairness, ang ganda-ganda ng IG photo na ibinahagi ng Kapuso actor kaya naman libu-libong likes at comments ang nakuha nito mula sa mga netizens.
“Gusto ko lang sabihin na napaka swerte ng anak natin na ikaw ang Mama niya,” sabi ni Dennis sa kanyang caption.
“Deserving ka talaga na magkaroon ng isang pang napaka gandang anak na kamukha mo.
“Salamat sa lahat ng hirap at sakripisyo mo, alam kong hindi naging madali. Saludo ako sa ‘yo at sa lahat ng mga nanay na kagaya mo,” pahayag pa ng aktor patungkol kay Jennylyn.
“Happy Mother’s Day! I love you,” ang pagbati pa ni Dennis sa kanyang pinakamamahal na misis.
Matatandaang isinilang ng tinaguriang Kapuso Ultimate Star ang first child nila ni Dennis last April 25.
Pareho na silang may anak sa dati nilang karelasyon — sina Jazz (anak ni Jennylyn kay Patrick Garcia) at Calix (anak ni Dennis kay Carlene Aguilar).
https://bandera.inquirer.net/312474/jennylyn-dennis-lumantad-na-bilang-kakampink-kailangan-naming-manindigan-para-aming-mga-anak
https://bandera.inquirer.net/312922/look-paano-ipinagdiwang-ng-celebrity-moms-ang-mothers-day
https://bandera.inquirer.net/296859/jennylyn-bibida-pa-rin-sa-love-die-repeat-balik-taping-pagkatapos-ang-panganganak