Barbie Imperial at Diego Loyzaga
“BALIKAN! Balikan! Balikan!”
Yan ang nagkakaisang sigaw ng mga taong dumalo sa miting de avance ng isang local political party sa Quezon City kagabi nang magkita ang dating magdyowa na sina Barbie Imperial at Diego Loyzaga.
Game na game namang nakipagbiruan at nakipagtuksuhan ang ex-couple sa mga residente ng Quezon City na sumugod sa District 2 rally ng Serbisyo sa Bayan Party.
Pagkatapos kasing kumanta ni Barbie on stage ay biglang tinawag ng ilang kandidato si Diego kaya naman tilian at palakpakan ang mga tao nang lapitan na ng hunk actor si Barbie.
Nakatingin lang ang dalaga sa binata habang papalapit ito kaya mas lalo pang lumakas ang sigawan at maririnig nga ang panunukso ng mga tao sa kanila na magbalikan na.
“Sorry nanggulo ako, narinig ko lang kanta mo. Medyo naapektuhan ako sa backstage. Pero sige ituloy mo na. Go na, go na,” ang hirit ni Diego kay Barbie.
Nang makababa na ang binata sa stage, nag-joke naman si Barbie kay QC Mayor Joy Belmonte na isa sa mga kandidatong nakaupo sa kanyang likuran.
“Uy wala ‘yon sa kontrata ko, Mayor Joy! Joke lang po. Shot puno!” ang tawa nang tawang chika ni Barbie.
Samantala, nang tawagin muli si Diego sa stage sinabi nito na naroon siya para suportahan naman ang kandidatura ni District 6 congressional candidate Ralph Tulfo na dati niyang classmate.
Aniya, nagulat din daw siya nang malamang naroon din ang kanyang ex-girlfriend.
“Hindi ko rin ine-expect na magkikita kami. Hindi ko akalain na magkikita kami rito. Tapos ang kinanta pa niya, ‘Oo nga pala…hindi na tayo pwede.’
“Sabi ko sa kanya, okay lang ba mag-stay ka saglit, dahil may gusto akong sabihin sa ’yo sa kanta,” hirit ni Diego.
At kinanta nga niya ang acoustic ballad na “Ako’y Sa’yo, Ika’y Akin” bilang sagot daw sa kinanta ng aktres.
Isang taon ding tumagal ang relasyon ng dating magdyowa at nagdesisyon ngang maghiwalay na pagkatapos na pagkatapos ng Bagong Taon noong January, 2022.
https://bandera.inquirer.net/300610/jennica-garcia-alwyn-uytingco-nangangamoy-balikan-na-best-christmas-gift-ever
https://bandera.inquirer.net/299427/james-nadine-muntik-nang-magkita-fans-nag-react-sana-sila-rin-sa-huli
https://bandera.inquirer.net/287588/cassy-jd-nahuli-sa-akto-pangarap-ni-bea-tinupad-na-ni-jessica