KC Concepcion at Toni Gonzaga
MAY mga lumabas na chika na kaya raw tinanggal si Toni Gonzaga sa Hollywood film na “Asian Persuasion” ay dahil sa pagsuporta niya sa kandidatura ni presidential candidate Ferdinand “Bongbong” Marcos, Jr..
Ang anak nina Megastar Sharon Cuneta at Gabby Concepcion na si KC Concepcion ang napiling pumalit kay Toni bilang isa sa mga lead star ng nasabing international movie.
Nagsimula na ang principal photography ng Asian-American romcom film at ayon sa direktor nito, ang Tony award-winning Broadway producer-director na si Jhett Tolentino, halos kalahati na ng movie ang natapos nila.
Bukod kay KC, makakasama rin sa pelikula ang Hollywood actor na si Dante Basco, Paolo Montalban, Scarlett Sher, Kevin Kreider, Celia Au, Geneva Carr, at Jax Bacani.
Ka-join din dito sina Apl.de.Ap ng Black Eyed Peas, Yam Concepcion, Rachel Alejandro, Tony Labrusca, Janice Sonia Lee, Ami Sheth, Fe delos Reyes, Rex Navarrette, Joyce Keokham, Imani Hanson, at Devin Ilaw.
Chika ni KC sa panayan ng ABS-CBN, “To be able to perform with them, and including Scarlett, yung anak ko dito, she actually played Constance Wu’s daughter sa ‘Hustler’ tapos meron siyang bago ngayon with Gemma Chan. And I feel really excited na naging daughter ko rin siya.”
“I’m very happy na nu’ng binasa ko pa lang yung script, na feel ko agad na this is for me. It was the perfect role for a romantic-comedy na matagal ko nang gustong gawin. It was so perfect and to come back with this project. Nakaka-proud!” lahad pa ng singer-actress.
Sey naman ni Dante Basco na nakilala sa Hollywood film na “Hook”, “It’s an Asian romcom. It’s about a couple, me and KC, that split up. We have a kid and kind of figuring our life afterwards and I have a whole plan of trying to get her married off, so Mickey, my character, can get away from his financial kind of problems there.”
Ang “Asian Persuasion” ang unang pelikulang ididirek ni Jhett Tolentino, “My directorial debut, I have to say, I’m still finding my bearings right. So what I’m doing now is just based on the script and what I wanted to find truth from every character. And I’m so blessed with these pros.”
Kasunod nga nito, nilinaw ni Jhett ang tungkol sa pagkuha nila kay Toni Gonzaga to play the lead role sa movie, “Okay, I just want to make this straight. Toni Gonzaga was my first choice. Right.
“And then two weeks before our pre-production, so mid-February. I got an email from her management saying that she has a conflict or in the schedule,” paglilinaw pa niya.
Ipinagdiinan ng director-producer na walang kinalaman ang political affiliation ni Toni sa pagkakaalis sa kanya sa project.
“Yung sa akin lang, once you commit tapusin, and then so yun, I started the petition. I paid for her work visa. Nagbayad na kami, and then yun, they gave a notice na hindi siya…conflict of schedule raw.
“And ako naman, yeah, I have to admit I panicked a little kasi siyempre two weeks before ng pre-prod wala ‘di ba? So kaya ko tinawagan si Sharon, sabi ko, ‘Nasaan ang anak mo?’” pahayag pa ni Jhett na ang tinutukoy nga ay si KC.
Wala pang inilalabas na detalye ang produksyon ng “Asian Persuasion” kung kailan ito ipalalabas pero may balitang baka ipalabas ito sa December, 2023.
https://bandera.inquirer.net/310687/kc-concepcion-pinalitan-si-toni-gonzaga-bilang-lead-star-sa-us-movie-asian-persuasion
https://bandera.inquirer.net/285892/julia-tinanggal-ang-litrato-ni-gerald-sa-ig-na-may-kasamang-aso-na-guilty-sa-isyu-ni-dennis
https://bandera.inquirer.net/291374/janine-inialay-ang-ny-asian-filmfest-award-sa-lahat-ng-nanonood-ng-pinoy-movies-kahit-may-pandemya