Max Collins, Michelle Dee at Rhian Ramos
TALAGANG 100 percent ang suportang ibinibigay ng Kapuso stars na sina Rhian Ramos at Max Collins sa kanilang kaibigang si Michelle Dee sa paglaban nito sa Miss Universe Philippines 2022.
Hindi nga natapos sa swimsuit challenge ang pagtulong nina Rhian at Max kay Michelle dahil tumodo rin ang mga ito sa pagtsi-cheer sa kanya sa ginanap na preliminary competition ng national pageant kagabi.
Sa Instagram stories nina Rhian at Max makikita ang yakapan ng tatlong Kapuso actress habang kino-congratulate ang isa sa mga sinasabing frontrunners sa Miss Universe Philippines 2022.
Talagang proud na proud sila kay Michelle matapos itong humakot ng special awards sa preliminary competition kabilang na riyan ang Miss Creamsilk, Miss Kumuniverse, Miss Jojo Bragais, Face of Essentials by Belo, at Miss Medical City.
“Congratulations Deedee. You made us proud,” ang mensahe ni Rhian kay Michelle na talagang nagpapaka-fairy godmother sa bawat activities ng kaibigan sa nasabing pageant.
Siyempre, talagang umaasa ang mga ito at ang lahat ng sumusuporta sa dalaga na maiuuwi nito ang Miss Universe Philippines 2022 crown
Kung matatandaan, unang ibinalita ni Michelle sa Instagram ang pagsali niya sa Miss Universe Philippines 2022 pageant. Aniya, “It’s now or never,” gamit ang hashtags #DEEpataposanglaban and #forDEEuniverse.
Sa kanyang application video, sinabi ni Michelle na siyang official candidate ng Makati City, na ang kanyang, “road to the crown will not be easy. But taking my chances to win the crown takes courage.
“Tenacity, love for my country, and the willingness to do good with this platform is what I believe will become my greatest advantage on the Miss Universe Philippines stage.
“I want to be able to inspire everyone to achieve their best self through example, innovation, and my burning passion to make the country proud once more,” aniya pa.
Ni-represent na ni Michelle ang Pilipinas sa Miss World 2019 pageant kung saan umabot siya sa Top 12 at ngayon nga ay muli siyang lalaban para sa inaasam na Miss Universe crown.
Magaganap ang Miss Universe Philippines 2022 grand coronation night bukas, April 30 sa SM Mall of Asia Arena kung saan magsisilbing hosts ang former Miss Universe queens na sina Pia Wurtzbach, Iris Mittenaere at Demi-Leigh Tebow.
https://bandera.inquirer.net/306969/rhian-super-mumog-ng-mouthwash-bago-makipaglaplapan-tinotoo-ang-fight-scenes-nila-ni-kris
https://bandera.inquirer.net/284485/willie-ai-ai-may-lovelife-advice-kay-rhian-mas-ok-na-magkaroon-ka-rin-ng-sariling-pamilya
https://bandera.inquirer.net/293476/max-collins-bonggang-workout-ang-panlaban-sa-anxiety-mikee-quintos-buena-mano-sa-gma-playlist