Beatrice Gomez at Harnaaz Sandhu
NAGING emosyonal ang muling pagkikita nina Miss Universe 2021 Harnaaz Sandhu ng India at Miss Universe Philippines 2021 Beatrice Gomez nitong Lunes, April 25.
Kitang-kita ang pagka-miss sa isa’t isa ng dalawang beauty queen sa isang video na ipinost ng Miss Universe Organization sa kanilang official Instagram account.
“Reunited!! (heart emoji),” ang maikling caption na nakalagay sa nasabing IG post kung saan makikita nga ang napakahigpit na pagyayakapan ng dalawa.
Sabi ng Cebuana beauty queen kay Miss India, “I can’t believe you’re finally here!”
Sa panayam naman kay Beatrice o Bea, inulit nito na masayang-masaya siya at super excited sa pagdating ng reigining Miss Universe sa Pilipinas.
“I am actually very happy that Harnaaz is finally here. This is such an emotional reunion for both of us. We were just talking about it. Now she’s here,” sey ni Bea.
Kuwento naman ni Harnaaz, matagal na niyang gustong mabisita ang Pilipinas at makilala ang mga Filipino at sa wakas ay natupad na rin ito.
“We have been talking about meeting and she used to be like, ‘You need to come to the Philippines!’
“And I’m like, ‘Let’s manifest!’ And we manifested together and I’m so happy to be reunited with one of my best friends that I found during Miss Universe! Lots of love!” sabi ng beauty queen.
Naging close sina Bea at Harnaaz dahil sila ang madalas na magkasama sa Miss Universe 2021 pageant along with Bea’s roommate Miss Universe Singapore 2021 Nandita Banna and Harnaaz’s roommate Miss Universe Nepal 2021 Sujita Basnet.
Sa isang panayam kay Bea, sinabi nitong si Harnaaz ang nais niyang makapag-uwi ng Miss Universe crown kung hindi siya ang palaring manalo.
“Si Miss India, she’s one of our roommates, and we all knew na siya po talaga yung mananalo.
“We are all rooting for her, kasi nga she works really hard, and there are even times na sobrang pressured niya na tinutulungan namin siya.
“So, we’re very happy for her. We know what she’s capable of and we’re very happy with the result. We’re proud of her,” sey ni Beatrice.
Isa si Harnaaz sa magiging judge sa Miss Universe Philippines 2022 grand coronation night na gaganapin sa April 30 sa SM Mall of Asia Arena.
Ang mga dating Miss Universe winners naman na sina Pia Wurtzbach, Iris Mittenaere at Demi Leigh-Tebow ang magiging host ng Miss Universe Philippines 2022.
https://bandera.inquirer.net/307767/catriona-gray-ipinagtanggol-si-miss-universe-2021-harnaaz-sandhu-beauty-queen-title-should-be-more-than-an-image
https://bandera.inquirer.net/310891/dagdag-timbang-ni-miss-universe-2021-harnaaz-sandhu-dahil-sa-food-allergy
https://bandera.inquirer.net/300424/catriona-kay-miss-india-so-well-deserved-cant-wait-to-witness-your-reign