Rhea Tan at Bea Alonzo
“KUNG kailan ako hindi lumalabas, du’n pa ako nagkaroon ng COVID-19,” ang simulang kuwento ng Kapuso actress na si Bea Alonzo tungkol sa naging karanasan niya nang tamaan ng coronavirus.
Sa kauna-unahang pagkakataon ay muling humarap ang dalaga sa media para sa face-to-face event ng Beautederm Corporation kung saan muli siyang pumirma ng kontrata bilang celebrity ambassador.
At in fairness, kitang-kita sa mukha ni Bea ang kaligayahan sa nasabing contract signing kasama ang equally-beautiful and talented na si Rhea Tan, ang President at CEO ng Beautederm.
Dito nga nailahad ni Bea ang kanyang COVID-19 journey, “I had COVID-19, January. I think marami ang nakaka-relate dito na nagkaroon ng Omicron.
“All throughout the pandemic, before January 2022, hindi naman ako nagkaroon ng COVID.
“And I was one of the lucky ones na talagang kahit nakakalabas dahil sa trabaho, nung time na yun nag-a-outreach programs kami, hindi ako tinamaan ng COVID.
“Matatawa ka nga kasi nung January, kung kailan ako hindi lumalabas, nanggaling ako sa farm namin (Zambales), du’n pa ako nagkaroon ng COVID. I don’t know how, I was very careful but I still got it.
“After I got it, sinasabi nila, mild ang Omicron. Pero sa experience ko, parang hindi naman. Lahat ng symptoms, nakuha ko, like difficulty sa breathing, masakit ang katawan and all of that, although natapos siya mga four or five days lang.
“But then, I realized, even more na kailangan talaga na alagaan yung health. Kailangan yung immune system, laging binu-boost.
“Kailangan kumain nang tama. Mag-exercise nang tama at matulog nang tama,” tuluy-tuloy na pahayag nga Kapuso actress na endorser nga ng digestion enhancer at wonder pill ng Beautederm.
Samantala, inamin din ng 34-year-old actress na totoong nakaramdam din siya ng takot at pamgamba bago siya mag-30 noong Oct. 17, 2017.
“To tell you, honestly, when I was turning 30, I was so scared to turn 30. Kasi iniisip ko sa business na ito, kapag 30 ka na, parang konti na lang ang magagawa mo.
“And siguro, society taught us na kapag 30s ka na, ang babae dapat nag-aasawa na. Nagse-settle down na.
“E, at that time, I was at the point of my life na ibang-iba pa ang buhay ko noon. Ibang-iba pa yung circumstances and I wasn’t there yet.
“Parang iniisip ko, ‘Anong gagawin ko, thirties na ako?’ Tapos na rin ako sa iba kong mga pangarap. But then, when I finally turned 30, parang iba pala yung buhay.
“Now, I think I am more comfortable with my own skin. I can talk about my weaknesses. I can talk about my vulnerabilities na hindi ko napag-uusapan when I was in my 20s na mas siguro, marami kang reservations or insecurities when you’re in your 20s.
“Pero ngayon, in my 30s, parang kaya ko nang sabihin freely what’s in my heart. Mas less filtered ka na and parang mas masaya yung 30’s for me, personal experience ko. Parang mas enjoy ako,” lahad pa ng girlfriend ni Dominic Roque.
Anytime soon ay magsisimula nang mag-lock-in taping si Bea para sa unang teleserye niya sa GMA 7 katambal si Alden Richards, ang Pinoy version ng hit Korean series na “Start-Up”. Makakasama rin dito sina Jeric Gonzales, Yasmien Kurdi, Gina Alajar at marami pang iba.
https://bandera.inquirer.net/282152/ayoko-nang-bumalik-sa-paghihirap-hello-nagbabad-na-ako-dun-nang-bongga
https://bandera.inquirer.net/285921/karen-kay-korina-kailanman-hindi-po-kami-nagpantay
https://bandera.inquirer.net/295170/kyline-sa-sweet-moments-nila-ni-mavy-yung-nakikita-nyo-sa-socmed-wala-pong-scripted-dun-promise