Alden Richards at Maja Salvador
NAPA-LIKE nang bonggang-bongga si Maja Salvador nang makita sa Instagram ang sexy at hunky photos ng Asia’s Multimedia Star na si Alden Richards.
In fairness, super fit at hunk na hunk ang datingan ngayon ng Pambansang Bae base na rin sa mga litratong isine-share niya sa social media.
Talagang abs kung abs ang labanan kapag nag-post siya ng kanyang mga selfie photos sa IG na pinupusuan at nila-like hindi lang ng kanyang mga tagasuporta kundi pati na rin ng mga kapwa niya celebrities.
Sa isang episode ng “Bawal Judgemental” segment ng “Eat Bulaga” kamakailan ay itinampok ang mga Dabarkads na may amazing body transformation.
Mismong si DC Queen Maja Salvador ang unang nagkomento sa pagiging fit ni Alden, “Nakita ko sa social media may abs ‘yan e, napa-like nga ako, e!”
Kasunod nito, ibinahagi nga ng Kapuso Drama Prince ang ilan sa mga ginagawa niya para ma-maintain ang ganoong kagandang katawan. Aniya, diet at workout lang daw ang kanyang secret.
Sey ni Alden, marami na siyang workout plan na sinunod ngunit ang sariling workout routine ang mas kinahiyangan niyang gawin.
“Una sa lahat kailangan siya sa field of work natin bilang mga artista. Pangalawa, before ako mag-showbiz ang dami ko na rin na-try na diet na kung ano-ano na nausong diet before,” paliwanag ng binata.
Dagdag pa niyang chika, “Sa sobrang knowledgeable ko na about diet and exercise, kinukuha ko sila isa-isa tapos gumagawa ako ng sarili ko.”
Nagbigay din siya ng payo sa lahat ng mga nagnanais na maging fit and healthy — dapat daw talaga ay baguhin ang nakasanayang lifestyle.
“‘Yung ngayon kasi kaya name-maintain ko siya kasi when you’re looking for a different lifestyle, kailangan kasi sustainable e, hindi ‘yung magda-diet ka lang dahil may pinaghahandaan ka. You change your lifestyle basically,” lahad pa ni Alden.
Sa ngayon, naghahanda na ang aktor para sa pagsisimula ng lock-in taping nila ni Bea Alonzo para sa Philippine adaptation ng Korean hit series na “Start-Up” na mapapanood this year sa GMA 7.
https://bandera.inquirer.net/283443/maja-tinanggihang-makatambal-si-gerald-sa-init-sa-magdamag-respeto-lang-daw-kay-rambo
https://bandera.inquirer.net/289738/kathryn-na-diagnose-ng-pityriasis-alba-pero-tagumpay-naman-sa-ginawang-diet-plan
https://bandera.inquirer.net/294437/maja-salvador-official-eb-dabarkads-na