Neri Naig at Chito Miranda
TAWANG-TAWA kami sa latest paandar ng OPM icon at songwriter na si Chito Miranda patungkol sa kanyang asawang si Neri Miranda.
Ginawa kasing katatawanan ng Parokya ni Edgar frontman ang kanyang itsura sa isang photo nila ni Neri na magkasama na kuha mula sa pagbabakasyon nila noon sa isang resort.
Sabi ni Chito, mukha lang daw siyang sugar daddy ng misis na aktres at negosyante pero ang katotohanan ay mas mayamang di hamak sa kanya si Neri.
Ang inilagay na caption ng singer-composer sa litrato ay, “Mukha akong sugar daddy nitong batang ito,” he wrote with a smiley and peace sign emoji in the caption.
“For the record, at hindi naman sa pagmamayabang (medyo lang siguro), as” sey pa ni Chito.
Pagpapatuloy pa niya, “Nakakahiya nga kasi yung huling regalo ko sa kanya nu’ng birthday nya, dalawang extension cord.
“Siguro swertihan lang talaga ‘yan,” pahabol pa niya gamit ang hashtag na, “Pangarap Kong Jackpot.”
Ipinost din ni Neri sa kanyang IG page ang kaparehong litrato kung saan nagkomento si Chito ng, “Parang Sugar Daddy lang ako dito ha!
“Pero di nila alam na ikaw talaga ang aking ‘Sugar Baby’ kasi mas mayaman ka kesa akin at ako ang nireregaluhan mo ng kung anu-ano,” aniya pa.
Nito lamang nagdaang February, sinorpresa ni Neri ang kanyang asawa ng maliit na yate bilang bonggang birthday gift kung saan napa-sana all ang mga netizens.
Ikinasal sina Neri at Chito noong 2014 at biniyayaan nga sila ng dalawang anak na sina Miggy at Cash.
https://bandera.inquirer.net/290192/chito-muling-pinuri-ang-asawa-napakaganda-ni-neri-medyo-weird-pero-sobrang-bait
https://bandera.inquirer.net/281494/bakit-nga-ba-nawala-si-chito-at-ini-report-sa-pulis-ng-pamilya-at-mga-kaibigan-noong-2010
https://bandera.inquirer.net/296713/neri-may-nakakalokang-kuwento-nang-mag-dinner-date-sila-ng-asawa-haaaaaay-chito-classic-ka-talaga