Karen Davila at David
PINUSUAN at umani ng sandamakmak na likes at positibong comments ang Instagram post ni Karen Davila para sa kaarawan ng panganay niyang si David.
Nag-celebrate ng kanyang 20th birthday si David nitong nagdaang Linggo, Feb. 20 at talaga namang maraming naantig at na-inspire sa emosyonal na mensahe ni Karen para sa anak.
Sa kanyang Instagram page, nag-post ang Kapamilya news anchor ng ilang litrato na kuha sa selebrasyon ng anak.
“HAPPY 20th BIRTHDAY to our dearest sweetest DAVID. I can’t believe it – you are now an ADULT!
“You bring so much love, joy, gentleness & gratitude to our home anak. You make everyone around you feel special,” bahagi ng birthday greeting ng broadcast journalist at celebrity vlogger.
Ani Karen, excited na siyang masaksihan ang mga mangyayari sa buhay ni David ngayong 20 years old na siya.
“God has taken you this far, shaped you in ways I could’ve never imagined! You have grown to be such a kind, thoughtful, and loving young man!
“I feel truly blessed that you are present in the moment, understand everything going on around you & are so engaged with the world! I am so excited for God’s plans for your life!!” dagdag pang mensahe ni Karen para sa anak.
Hindi naman nakalimutang pasalamatan ni Karen ang mga yaya ni David na buong-puso ang pagmamahal at ginagawang pag-aalaga sa kanyang anak.
“Thank you Yaya Lyn & Amy for genuinely loving David. Nakikita ko kayong concerned at umiiyak when David had seizures.
“Dama ko ang pagmamahal ninyo. Salamat! WE LOVE YOU ANAK!” ang sabi pa ng news anchor sa mga yaya ng anak.
https://bandera.inquirer.net/302529/karen-binasag-ang-basher-na-nagsabing-wala-siyang-ginawa-kundi-mag-travel-get-a-life-man
https://bandera.inquirer.net/302387/karen-davila-pamilya-tinamaan-na-rin-ng-covid-19-we-are-recovering-quite-well
https://bandera.inquirer.net/291939/toni-bianca-robi-muling-rarampa-sa-adult-celebrity-at-teen-edition-ng-pbb-season-10-online-audition-sisimulan-na