Katrina Llegado at Michelle Dee
WALA nang urungan ang paglaban ng Kapuso actress at beauty queen na si Michelle Dee sa Miss Universe Philippines 2022.
Nagdesisyon ang anak ni Miss International 1979 Melanie Marquez na sumali sa 71st edition ng Miss Universe sa kagustuhang maiuwi muli sa Pilipinas ang korona at titulo sa nasabing international beauty pageant.
Si Michelle ang itinanghal na Miss World Philippines noong 2019 ngunit hindi siya pinalad na makuha ang titulo sa Miss World pageant.
Sa kanyang Instagram page, in-announce ng Kapuso star sa publiko na sasali nga siya sa Miss Universe Philippines 2022.
“It’s now or never. Hey Universe, my application video is now live on Kumu. Please check it out if you can,” ang post ni Michelle gamit ang mga hashtags na #Deepataposanglaban at #forDeeuniverse.
Magaganap sa April 30, 2022 ang grand coronation ng pageant at kung sinuman ang magwawagi rito ang siyang magiging representative ng bansa sa 71st edition ng Miss Universe na magaganap naman sa September, 2022.
Bumuhos naman ang mga positibong komento ng netizens sa pagsali ni Michelle sa Miss Universe PH kabilang na riyan ang mga kaibigan niyang celebrities tulad nina Marco Gumabao, Heart Evangelista, Lovi Poe, Miss World 2013 Megan Young at Miss Universe 2015 Pia Wurtzbach.
Komento ni Heart, “Gurl yazzz!”
“#DEEstroy” ang reaksiyon naman ni Marco.
“Girl. Girl (fire emojis),” comment ni Lovi.
“Let’s gooooo queen!!!” sey naman ni Megan.
“Oh wow!!” ang komento ni Pia.
“Our next Miss U!!!” ang chika ni Max Collins.
Sey naman ni Sarah Lahbati, “Claiming it! Our next miss U!”
“Laban @michelledee !!!!” ang comment naman ng beauty queen at Kapuso actress na si Thia Thomalla.
data-instgrm-captioned data-instgrm-permalink=”https://www.instagram.com/p/CZ_hQHFJFHQ/?utm_source=ig_embed&utm_campaign=loading” data-instgrm-version=”14″ style=” background:#FFF; border:0; border-radius:3px; box-shadow:0 0 1px 0 rgba(0,0,0,0.5),0 1px 10px 0 rgba(0,0,0,0.15); margin: 1px; max-width:540px; min-width:326px; padding:0; width:99.375%; width:-webkit-calc(100% – 2px); width:calc(100% – 2px);”>
Si Michelle na nga kaya ang papalit sa tronong iiwan ni Miss Universe Philippines 2021 Beatrice Luigi Gomez na umabot sa Top 5 ng 70th Miss Universe na ginanap sa Eilat, Israel noong Dec. 13, 2021?
Bukod kay Michelle, isa pang former beauty queen ang sasali sa Miss Universe PH 2022 na mula rin sa beauty camp na The Crown Initiative (TCI), si Katrina Llegado.
Itinanghal na Miss Philippines Reina Hispano Americana 2019 ang dalaga at muli ngang rarampa sa nasabing national pageant upang tuparin ang kanyang pangarap na maging Miss Universe.
https://bandera.inquirer.net/287345/lahat-ng-kandidata-ng-miss-world-ph-babakunahan-kontra-covid-19
https://bandera.inquirer.net/297573/michelle-nilinaw-ang-rason-ng-pakikipaghiwalay-sa-asawa-theres-no-third-party
https://bandera.inquirer.net/287186/pamilya-ni-ellen-hindi-boto-kay-john-lloyd-kaya-naghiwalay-jlc-may-binayarang-p20-m-kay-katrina