Julia Montes, Sharon Cuneta at Coco Martin
NAKAKAALIW ang Megastar na si Sharon Cuneta dahil kapag may nagustuhan siyang katrabaho at naging love na niya ay gusto nang ampunin tulad ng pagmamahal niya sa kanyang fur babies kaya dumarami na sila ngayon.
Ang latest na gustong ampunin ni Shawie ay ang co-star niya sa “FPJ’s Ang Probinsyano” na si Julia Montes na gumaganap bilang si Mara.
Sa kuwento ng serye ay anak ni Sharon (bilang si Aurora) si Julia kay Presidente Oscar Hidalgo played by Rowell Santiago.
Sa latest Instagram post ni Mega kasama si Julia na nakasakay sila sa motor ay nasambit niyang gusto nga niyang ampunin ang aktres.
“Habang tumatagal, lalo syang napapalapit at napapamahal sa akin.
“Gusto ko na nga ampunin si @montesjulia08 para maging anak ko na talaga! Love you baby ko! #fpjsangprobinsyano Repost from @cocomartin_ph. Abangan sa #FPJsAngProbinsyano! Mara & Aurora BTS,” ang caption ng aktres sa kanyang IG post.
Samantala, ang ganda ng nabuong samahan ng cast ng “Ang Probinsyano” dahil naging barkadahan na ito at walang iwanan base sa takbo ng kuwento dahil kahit grabe na ang mga nangyari sa kanila sa kanilang mga engkuwentro ay gumagaling sila, so ibig sabihin, walang mabubura sa grupo.
Maging sa mga talent ay hindi na rin sila napapalitan at iniiba-iba na lang ang karakter at mapapansin iyon kapag mabilis ang mga mata ng mga manonood.
Sa isang lock-in shooting na malayo ang location ay mahirap nang makahanap ng talents with speaking lines at gamay na siyempre nila ang takbo ng shoot at kung paano pagdidirek nina Coco at Malu Sevilla, kaya sila-sila na lang din.
Anyway, kahit pa sabihing anim na taon na ang aksyon serye ni Coco bilang si Cardo Dalisay ay patuloy pa rin itong inaabangan ng marami na hindi rin maikakaila dahil sa audience nito mula Lunes hanggang Biyernes sa YouYube channel na ABS-CBN Entertainment.
Going back to Sharon ay trulili kaya na hinabaan na ang participation ng karakter niya sa serye? Hanggang sa matapos na raw si Mega sa “FPJAP” na hindi pa alam kung ngayong Setyembre, 2022 o mapapaaga dahil naghihintay na lang sila sa muling paglipad ni Darna.
https://bandera.inquirer.net/290809/hamon-ng-basher-kay-sharon-share-mo-kaya-mga-blessings-mo-yung-walang-camera-ha
https://bandera.inquirer.net/279798/basher-tinalakan-ni-sharon-marunong-akong-kumanta-sumayaw-umarte-at-nagpayaman-ng-producers
https://bandera.inquirer.net/285154/sharon-nagsalita-na-sa-mga-kumakalat-na-chismis-resulta-ng-swab-test-sobrang-ikina-depress