Samantha Panlilio
INATAKE ng matinding depresyon ang beauty queen na si Samantha Panlilio matapos siyang lumaban sa 2021 Miss Grand International pageant nitong nagdaang December.
Inamin ito ng dalaga sa isang video clip mula sa isang event kung saan nagbahagi siya ng kanyang mga nalalaman at karanasan sa issue ng mental health.
Hindi nakapasok sa Top 20 si Samantha sa Miss Grand International 2021 pageant kung saan naiuwi ni Miss Vietnam Nguyen Thuc Thuy Tien ang titulo at korona.
“After competing in Thailand, I felt so lost, frankly, because of the way that some things turned out and I was also reading so many comments online,” pahayag ng Binibining Pilipinas Grand International 2021.
Dugtong pa niyang paliwanag, “I felt that people were putting out each and every flaw that I have and it was just so hard to accept.”
Rebelasyon pa ng dalaga, pumanaw din ang sister-in-law niya dahil sa cancer nang makabalik na siya sa Pilipinas, “Not only was I dealing with my own personal heartbreaks, but I was also dealing with my family’s. Because of this, I did fall into depression. I was just so lost.”
At dahil na rin sa tulong ng kanyang pamilya at mga mahal sa buhay ay unti-unting bumuti ang kundisyon niya at napakalaki rin ng nagawa sa kanyang mental health nang magdesisyon siyang mag-social media break.
“I think that was one of the healthiest decisions I made ’cause it was during this time that I learned that happiness is always a choice.
“People may say things about you, but it’s up to us how we react to these uncertainties, how we react to these uncontrollable situations. That really is what inherently makes us a stronger and better person at the end of the day,” paliwanag pa ni Samantha.
Sa huling bahagi ng pahayag ng Pinay beauty queen, pinaalalahanan niya ang mga nakararanas din ng mental health issues na hindi sila nag-iisa sa labang ito.
“We really need to prioritize our mental health just as much as our physical health. If that means you taking a break from social media, distancing yourself from everyone, then that’s okay because you know yourself best,” pahayag pa ng dalaga.
https://bandera.inquirer.net/299629/pinoy-fans-inireklamo-ang-pagkatalo-ni-samantha-sa-miss-grand-international-2021-miss-vietnam-naiuwi-ang-korona
https://bandera.inquirer.net/297241/samantha-panlilio-aariba-na-para-sa-miss-grand-international-2021
https://bandera.inquirer.net/300736/samantha-bernardo-sa-mga-haters-im-not-fake-im-human-i-have-feelings