Manila Dolomite Beach target gawin vaccination site

Image mula sa Twitter / DENR

PINAG-AARALAN na ni Manila Mayor Isko Moreno na gawin na ring vaccination site ang kontrobersiyal na Dolomite Beach sa Roxas Boulevard.

Ayon kay Moreno, kailangan muna nilang matiyak na uubra ang lugar para gawing bakunahan.

Hindi maikakaila aniya na ang Dolomite Beach ang isa sa mga lugar sa Manila na karaniwang dinudumog ng tao.

Kailangan aniyang malaman muna kung tapos na ang konstruksyon sa Dolomite Beach at kung ligtas sa tao.

Ani pa Moreno, mahalagang isalang-alang ang kaligtasan ng mga nagpapabakuna, gayundin ng mga nagbabakuna.

Iba pang ulat:

DENR pinasususpinde quarrying ng dolomite sa Alcoy, Cebu

WATCH: Pagtatambak ng crushed dolomite sa Manila Bay nais paimbestigahan sa Senado