Katrina Halili at Wendell Ramos
TOTOONG nagkasakit ang Kapuso actress na si Katrina Halili habang nasa lock-in taping para sa book 2 ng afternoon series na “Prima Donnas.”
Pero agad na nilinaw ng celebrity mom na wala siyang malubha o misteryosong sakit tulad ng mga kumalat na tsismis sa social media.
Sa ginanap na virtual mediacon ng “Prima Donnas” season 2, sumailalim si Katrina sa ilang medical test at sa ngayon ay maayos na ang kanyang health condition matapos mag-take ng maintenance.
Buti nga raw pinayagan siya ng production ng serye na pansamamtala munang lumabas muna sa kanilang lock-in taping para makapagpa-check up.
“Nagpa-MRI (Magnetic Resonance Imaging) po ako, and nagpa-EMG (electromyography) po ako. Dito sa neck ko yung nagka-problem tapos sa nerves ko. Binigyan lang po ako ng gamot.
“Sa ngayon, wala na akong maintenance, okay na po ako. Nu’ng December po natapos na yung gamot ko, so okay na po,” paliwanag ni Katrina.
Kuwento pa ng single mom, natakot daw talaga siya nang hindi na niya magalaw ang kanyang leeg kasabay ng sobrang panlalamig.
“Nu’ng nakaraan lang po talagang alarming kasi naninigas na po siya (leeg), e, nang one and a half month.
“Tapos giniginaw na po ako. Doble-doble na po yung suot ko. As in sa legs, may jacket na, may gloves pa. As in ganu’n na po ako sa taping.
“Nalaman ko na lang po nu’ng nakalabas ako. Tiniis ko na lang po kasi ayokong maging cause ng problema sa Prima Donnas.
“Ayokong mag-stop ng taping kasi alam ko ang dami pang kukunan. So, hinintay ko po yung uuwi kami ng 28.
“Kaso, nu’ng nalaman kong diretso, sinabi ko kung puwedeng magpa-check up lang po ako, tapos babalik po ako.
“Kasi kung hanggang December po ako iinom ng pain reliever, baka masama na po sa akin,” lahad pa ng Kapuso actress na nagbabalik nga sa book 2 ng “Prima Donnas” bilang nanay ng mga karakter nina Sofia Pablo, Jilian Ward at Althea Ablan at leading lady ni Wendell Ramos.
https://bandera.inquirer.net/281734/ang-hirap-naman-ng-tanong-nyo-mga-lalaki-wala-na-talaga-akong-kilig-sa-kanila
https://bandera.inquirer.net/296237/aiko-umiiyak-na-nagpaalam-sa-prima-donnas-sabi-ko-sa-inyo-bumibigay-na-si-kendra
https://bandera.inquirer.net/283101/prima-donnas-star-elija-alejo-10-years-na-sa-showbiz-ate-guy-muling-magpapaiyak-sa-mpk