Pia nagka-COVID na, binanatan pa: Kilabutan kayo sa mga sinasabi nyo, sana ‘di n’yo maranasan ‘to
Pia Wurtzbach
NA-HURT at na-offend si Miss Universe 2015 Pia Wurtzbach sa mga komento ng netizens na deserve raw niya na magkaroon ng COVID-19.
Umariba na naman ang mga bashers sa pang-ookray sa beauty queen-TV host matapos niyang ipaalam sa publiko na hindi rin siya pinatawad ng nakahahawang sakit.
“I caught COVID here in the UK even though I’ve been fully vaccinated & received my booster shot already. Kumpleto din ako ng flu & pneumonia vaccines.
“I eat healthy & I’m active, but I still got it. I got all the symptoms too. Fever, sore throat, body pain, runny rose, cough, & I also lost my sense of smell & taste.
“It’s not like a regular cold or flu that goes away after a few days. I’ve never been sick for this long, which lasted more than a week.
“I’m one day away into completing isolation with my sister, @sarahwurtzbach who also caught it. We both tested negative already, thank God!” ang pag-amin ni Pia sa kanyang Instagram post.
Kasunod nga nito, may mga nagkomentong netizens at sinisisi pa siya sa kanyang pagkakasakit dahil sa walang tigil daw niyang pagbibiyahe.
Nasa United Kingdom pa rin si Pia ngayon kasama ang kanyang pamilya. Wala pa siyang binabanggit kung kailan siya babalik ng Pilipinas.
At nang mabasa nga ng beauty queen ang comment ng isang hater na nagsasabing deserve niya na tamaan ng virus ay agad daw niyang binura ito.
Pero pahayag ni Pia, “I deleted it already pero may nag comment pa na I deserved this cos I travel?
“And that I had it coming? Kilabutan sana kayo sa mga sinasabi nyo.
“Iba na talaga mundo ngayon. Sana di nyo maranasan to,” bwelta pa ng aktres sa mga namba-bash sa kanya.
Samantala, nireplayan din ni Pia ang isa pang komento ng netizen na nakuha raw niya ang COVID matapos bumisita sa bahay ng kanyang mga magulang sa UK.
Feeling ng dating beauty queen, ang tinutukoy ng netizen ay ang video na in-upload ng nanay niyang si Cheryl Alonzo. Pero pagtatanggol ni Pia, hindi real time ang pagpo-post ng mga video ng nanay niya.
Bukod dito, nabanggit din ng dalaga na sigurado siya kung saan niya nakuha ang virus.
“Her uploads are not real time po. And she hasn’t been uploading them in chronological order.
“I know exactly where I got exposed (praying hands emoji) were better thank you!” paglilinaw pa ni Pia.
Pia Wurtzbach nagpakabaliw dahil sa lalaki, kinalimutan ang pamilya at career
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.