Jolina Magdangal, Mark Escueta, Pele Iñigo at Vika Anaya
MAY munting “pa-tribute” ang Kapamilya TV host at aktres na si Jolina Magdangal para sa kaarawan ng asawang musikero na si Mark Escueta.
Pinakilig ni Jolens ang kanyang mga fans at social media followers sa ibinahagi niyang birthday greeting para sa kanyang pinakamamahal na mister.
Nag-celebrate ng ika-45 kaarawan si Mark nitong nagdaang Linggo, Jan. 9, 2022 at sa pamamagitan nga ng kanyang Instagram account, binati ni Jolina ang asawa.
Nag-post ang aktres ng litrato nila together ng isa sa mga miyembro ng bandang Rivermaya kalakip ang super sweet na mensahe.
“Happy happy birthday asawa kong walang bakas sa ngiti niya na nabibigatan siya sa ‘kin kahit pa… Kapit na kapit ang daliri sa paa dahil lumulubog na sa sand — swipe! Hahahahahaha!” simulang pahayag ni Jolens.
Kasunod nito, pinasalamatan din ng Kapamilya host si Mark dahil sa pagiging mabuti at responsableng asawa at tatay nito sa kanilang mga anak.
“Ganyan din siya sa buhay… kahit ano pang challenges ang hinarap o kinakaharap at pwedeng harapin namin, patuloy siyang malakas at puno ng kasiyahan sa puso lalo na para sa akin, kay Pele at Vika.
“We love you so much Mahal, everyday nai-inspire mo kami sa mga bagay na ginagawa mo maliit at malaking bagay.
“Habangbuhay kaming magpapasalamat kay Papa Jesus at ikaw ang haligi ng ating tahanan at haligi ng puso namin,” pahayag pa ni Jolina.
Sa kanya namang Instagram account, nag-post din si Mark ng birthday message para sa kanyang pamilya.
“Happy birthday to me. Thank you Lord for my happy family,” sey ng musician.
Kung matatandaan, dalawang beses ikinasal sina Jolens at Mark — ang una ay sa simbahan noong Nov. 19, 2011 at ang ikalawa naman ay sa isang garden wedding noong Nov. 21. More than 10 years na silang nagsasama ngayon bilang married couple.
Biniyayaan sila ng dalawang anak —si Pele Iñigo, 7, at si Vika Anaya, 3.
https://bandera.inquirer.net/283843/jolina-bad-trip-nga-ba-sa-gumawa-ng-viral-fb-page-na-jolegend-slaydangal
https://bandera.inquirer.net/282400/marvin-umayaw-sa-teleserye-hindi-ko-naramdaman-na-yun-ang-gusto-ng-puso-at-kaluluwa-ko