Sikat na aktor pinapatulan na kahit anong role para lang kumita at mabuhay ang pamilya | Bandera

Sikat na aktor pinapatulan na kahit anong role para lang kumita at mabuhay ang pamilya

Reggee Bonoan |January 10,2022
facebook
share this

Sikat na aktor pinapatulan na kahit anong role para lang kumita at mabuhay ang pamilya

Reggee Bonoan - January 10, 2022 - 04:33 PM

NAAAWA kami sa isang aktor dahil kahit anong role ay tinatanggap na niya basta’t magkaroon lang ng pagkakakitaan dahil siya lang ang inaasahan ng kanyang pamilya.

Sa mga nagawa niyang teleserye noon ay nasubukan na rin naman niyang maging bida at masasabing leading man na talaga ang level niya kaya malaki na rin ang pangalan niya sa showbiz industry.

Kaya lang sadyang hindi siya lapitin ng trabaho dahil noon pa ay mangilan-ngilan lang ang alok sa kanya kaya nga nagpalit pa siya ng manager nang ilang beses dahil feeling niya ay hindi siya naaasikaso.

Nakausap namin ang ex-manager ng aktor at talagang inilalako siya to the max, pero to the max din siyang tinatanggihan lalo na kapag magaling ang aktres na bida kasi hindi siya nakakasabay in terms of acting.

In fairness naipareha naman na siya sa premyadong aktres noon sa isang serye, ‘yun nga lang parang bilang lang ang mga eksenang magkasama sila ng bidang aktres dahil pinalabas na may sariling kuwento ang aktor.

Taong 2021 ay nagkaroon naman siya ng projects pero hindi ito sapat para mabuhay niya ang pamilya niya kaya talagang kinukulit niya ang bago niyang talent manager at hindi naman ito tumitigil sa paghahanap ng proyekto para sa kanya.

Sa kasalukuyan ay “waiting in vain” pa rin ang aktor at patuloy na nagdarasal na magkaroon na nga siya ng proyekto.

Tungkol naman sa love life ng aktor ay hindi namin alam kung ano ang status niya ngayon dahil ang nabalitang karelasyon niya ay hindi na rin niya nababanggit pa.

Kilalang aktor tinawaran na nga ang talent fee, hindi pa binayaran ang huling araw sa shooting

Willie atras na sa 2022: Hindi ko pa kayang gumawa ng batas, baka sayang lang ang boto n’yo sa akin

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending