Iya Villania, Drew Arellano, Alana, Primo at Leon
BUNTIS uli ang Kapuso TV host-actress na si Iya Villania sa ikaapat na anak nila ng asawang si Drew Arellano.
Kinumpirma ni Iya ang good news ngayong araw, Jan. 3, 2022, sa episode kanina ng morning talk show nila nina Camille Prats at Kim Atienza na “Mars Pa More” sa GMA 7.
Ang bonggang announcement ng TV host ay nangyari sa inaabangang “Tarantanong” segment ng nasabing programa kasama ang kanilang mga celebrity guests na sina Jen Rosendahl at Janna Dominguez.
Tinanong kasi ni Camille si Iya kung magiging ate na ba very soon ang 1-year-old daughter nila ni Drew na si Alana Lauren.
Mabilis na sagot ni Iya, “Yes, mars! Magiging ate na si Alana. I’m so excited! Thanks, everybody! I’ve been really lucky to have it easy again. At least, nakakapag-work ako.
“I’m sure yung iba (staff ng Mars Pa More) diyan, hindi siguro nila namalayan. Siyempre, hataw pa rin tayo sa ‘Mars Magaling,’ mars! Siyempre, palaban ito, e.
“So yes, we are expecting. Parating na siya. Coming soon in June!” excited pang kuwento ni Iya.
Binati naman ng kanyang mga kasamahan sa show ang TV host sa bagong blessing na dumating sa kanilang pamilya at in fairness, nag-post pa si Kuya Kim sa Instagram para batiin ang Kapuso couple for their fourth baby.
Sey niya sa caption ng litrato nila nina Iya at Camille, the couple’s ninong wrote, “CONGRATS to my inaanaks @iyavillania and @drewarellano on baby no 4! You two are blessed!”
Samantala, hindi naman daw apektado si Iya sa pamba-bash sa kanya ng ilang netizens tungkol sa style niya sa pagpapalaki at pag-aalaga sa mga anak na sina Alana, Antonio Primo at Alonzo Leon.
Sa “Grab A Word” segment naman ng “MPM” kinailangang buuin ni Iya ang pangungusap na, “Nakahanda akong baguhin ang style ko bilang isang ______, dahil nasabi na sa akin ng mga tao na ______.”
Sabi ng Kapuso star, “Hindi ako handa na baguhin ang style ko bilang isang magulang, dahil wala akong paki sa sasabihin ng ibang tao sa pagiging magulang ko sa mga anak ko, because that is my style.”
Sa darating na February, 2022 ipagdiriwang na nina Iya at Drew ang kanilang 8th wedding anniversary.
https://bandera.inquirer.net/283027/iya-umaming-hindi-na-imagine-na-magpapakasal-kay-drew-kasi-hindi-naman-yan-yung-type-ko-mars
https://bandera.inquirer.net/290961/iya-pinatawad-pa-rin-ni-drew-kahit-matindi-ang-kasalanan-naka-jackpot-ako-sa-asawa-ko