Xian Lim
DAHIL sa kagustuhang “magpabibo” at mapatawa ang kanyang nanay at lola, nagkasugat sa ulo ang bagong Kapuso actor at host na si Xian Lim.
Nangyari ang insidente bago mamaalam ang 2021 nang bumisita sa isang Zoobic Safari sa Morong, Bataan sina Xian kung saan nga naka-bonding niyang muli ang inang si Mary Anne Lim at ang pinakamamahal niyang lola.
“We had a quick adventure today! Brought my mom @mommymaryanne and lola to the @zoobicsafari today. They had so much fun!” sabi ng binata sa kanyang caption.
Pinusuan at ni-like naman ito ng kanyang fans at IG followers, kabilang na ang ang girlfriend niyang si Kim Chiu.
Makikita sa ilang litrato na ibinahagi ni Xian ang pagpapa-picture nila sa isang pekeng buwaya sa Zoobic Safari.
At para mas maging challenging nga ang pictorial, ipinasok pa ni Xian ang kanyang ulo sa nakangangang buwaya para mukhang kinakain siya nito sa litrato.
Yes, nagetsing naman ng aktor ang gusto niyang shot pero may kapalit naman ito — nahirapan siyang tanggalin ang ulo sa bunganga ng buwaya.
Sa kanyang Instagram Stories, ipinost ni Xian ang litrato ng natamong sugat sa ulo nang dahil sa matulis na ngipin ng fake crocodile.
“Dahil sa kabibohan, sumabit ulo ko sa ngipin ng crocodile,” aniya sa caption.
Nagbiro pa siya na naka-score ang buwaya sa kanya nang bonggang-bongga, “Bibo hatdog pa more.”
https://bandera.inquirer.net/288188/kim-suportado-ang-paglipat-ni-xian-sa-gma-makakatambal-si-jennylyn-sa-unang-kapuso-serye
https://bandera.inquirer.net/283503/kim-niregaluhan-ni-xian-ng-ootd-na-pang-motor-para-raw-ready-ako-umangkas-sa-kanya
https://bandera.inquirer.net/291998/xian-alam-ang-mga-hinanakit-at-sama-ng-loob-ni-kim-umaming-kinakabahan-kay-jennylyn