Gal Gadot
PINUSUAN at ni-like nang bonggang-bongga ng mga Filipino fans ang isang Instagram post ng Hollywood star na si Gal Gadot.
Nitong nagdaang Pasko, Dec. 25, napa-throwback ang international actress at inalala ang first anniversary ng pelikula niyang “Wonder Woman 1984,” o “WW84.”
Nag-post si Gal Gadot sa IG ng ilang litrato na kuha sa shooting ng “Wonder Woman 1984” para i-celebrate ang unang anibersaryo ng nasabing superhero movie sa mismong Christmas Day.
Makikita sa mga ibinahagi niyang photos sa Instagram ang ilan sa mga BTS (behind the scenes) kasama ang mga nakasama niya sa movie at mga production staff.
Aniya sa caption, “WW84 is one year old! Can’t believe it’s been a whole year since this incredible movie came out and touched so many hearts!
“I’m so grateful and honored to be playing such an amazing character, to spread her powerful message and to share her wonder with all of you,” mensahe pa ni Gal Gadot.
“Can’t wait to be back in those boots,” aniya pa.
Sa isa pa niyang post, ibinahagi rin ng Hollywood actress ang ilang snapshots mula sa kanyang fans and social media followers kung saan ibinandera ng mga ito ang kanilang Wonder Woman costume.
“One of my favorite things about WW is to see the unbelievable effect she has on the world, I love seeing how much you love her, and I really love seeing you show that love. Thank you all for letting me into your lives, I am honored,” ang isinulat niyang caption.
Ang “Wonder Woman 1984” na ipinalabas noong Dec. 25, 2020 ay sequel sa 2017 DC superhero movie na “Wonder Woman” na pinagbidahan ni Gal kasama sina Chris Pine, Kristen Wiig at Pedro Pascal.
https://bandera.inquirer.net/299734/sobrang-wish-kong-makilala-si-gal-gadot-sana-mami-meet-ko-siya
https://bandera.inquirer.net/289330/babae-bumabandera-3-patunay-ng-pamamayagpag-ng-mga-pinay-sa-tokyo-2020-olympics