Piolo Pascual at Lovi Poe
PAREHONG pinili ni Lovi Poe sina Piolo Pascual at Zanjoe Marudo sa tanong ni Boy Abunda kung sino ang mas guwapo sa dalawang Kapamilya actor.
“Oh, this is so hard! Pwedeng both? Magkaiba sila ng charm,” pa-cute na sagot ng dalaga.
Pero pinilit siya ni kuya Boy, “You have to choose one or I pay one thousand?”
“Sorry tito Boy, I pay one thousand (na lang),” sabi ni Lovi sabay takip ng mukha na ikinatawa naman ng host.
Nangyari ang tsikahan nina Kuya Boy at Lovi sa YouTube channel ng Cinema One na may titulong “Fast Talk With Lovi, The Best Talk Season 3.”
Si Piolo ang leading man ni Lovi sa Pinoy adaptation ng Korean drama na “Flower of Evil” at si Zanjoe naman ang nakasama ng aktres sa iWantTFC original film na “Malaya” na idinirek ni Connie Macatuno na ipinalabas noong Mayo, 2020.
Sunod na tanong sa aktres, “Rank this Kapamilya leading men. One is the most being guwapo Daniel Padilla, James Reid or Enrique Gil. Rank them 1,2,3.”
“Oh gosh it’s so hard, I cannot because…” seryosong sabi ulit ng dalaga.
Feeling ng aktres makakatrabaho rin niya ang mga ito sa future, “I’ll pay na lang the one thousand,” sabi ulit ng host.
Sa fast talk ay tinanong si Lovi kung moreno o mestizo. “Moreno,” sagot ng dalaga.
“Coffee or wine?” “Coffee,” sambit ng dalaga.
“Sinigang o kare-kare?” “Sinigang,” pili ng aktres.
“Guwapo, matalino?” “Nah, matalino na guwapo,” tumawang sagot ng dalaga na ikinatawa rin ni kuya Boy.
“Dog or cat?” “Ohh, dog but I love cat,” saad ni Lovi.
“Love language sa iyong partner?” “Acts of service,” sagot agad ng dalaga.
“Wooh,” tanging sabi ni kuya Boy.
May tatlong tattoo si Lovi at ang fashion shed na hindi niya ginawa, “Sorry but I don’t wanna offend underboob. Ha-hahaha!” tumatawang sabi ng aktres.
Dagdag pa niya, “Baka naman tito Boy it’s either hindi baka naman wala akong underboob kaya nao-offend ako. Ha-hahaha!”
Tumatawang sabi rin ng host, “I understand.”
Sa isang salita paano ilalarawan ni Lovi si Piolo, “Oh my gosh! One word? Displinado.”
Paano naman ilalarawan ng aktres ang boyfriend niyang si Monty Blencowe sa isang salita, “Oh my gosh! Baka maging cheezy, eh. He’s the best!” tumatawang sagot ng dalaga.
Paano naman ilalarawan ni Lovi ang ate Grace Poe niya sa isang salita, “Ang hirap kasi there’s so many things to describe her, elegante.” Sinang-ayunan naman ito ni kuya Boy.
Sa tanong kung may taong ihihingi ng tawad ang dalaga ay sino ito, “Oh my gosh, myself? Because I’m too hard on myself, I’m worst than my bashers” natawang sabi nito.
At ang regalong gustong matanggap ni Lovi sa Pasko. “Simple lang, gusto ko ng apple watch,” tawa nang tawang sagot ng aktres.
“Yeah, that’s really practical, di ba? You can use that. I see a lot of people wearing that,” sabi naman ni kuya Boy.
Sa tanong kung saan pinakamahusay si Lovi ay sinagot niya ng sa paghingi ng sorry kapag alam niyang mali siya.
“Good sex or good conversation?” “Good conversation,” tumawang sagot ng leading lady ni Piolo sa “Flower of Evil.”
https://bandera.inquirer.net/293150/lovi-poe-todo-pasalamat-sa-gma-7-hindi-po-biro-ang-15-years
https://bandera.inquirer.net/292647/si-lovi-nga-ba-ang-tinutukoy-sa-teaser-ng-dreamacape-na-lilipat-sa-abs-cbn