NAKARATING na sa Israel ang Kapuso Primetime Queen na si Marian Rivera na parte ng selection committee sa gaganapin na 70th Miss Universe pageant.
Kasama niyang lumipad pa-Israel ang kaniyang glam team, officers ng Triple A Management at pati na rin ang asawang si Dingdong Dantes.
Ngunit bago ang kanyang flight ay nakapanayam muna ni Nelson Canlas ang glam team ni Marian.
Ayon sa kanila, aabot sa sampung maleta ang dala dala ni Marian na naglalaman ng halos 20 outfits na pagpipilian ng aktres para sa mga events na dadaluhan niya during the pageant.
Dagdag pa nila, karamihan sa mga bitbit nila ay mula sa local designers. May mga dadalhin rin sanang gowns si Marian mula sa international designers ngunit hindi na ito umabot dahil na rin sa COVID-19 protocols.
“Yung iba kasi depende kungano ang pupuntahan niya, like kunwari cocktail or gown or kung welcome party, atleast covered namin ‘yung looks,” pgbabahagi ng stylist na si Mel Sy.
Dagdag pa niya,”Kung freling namin underdressed siya, we can change to a long gown. Depende sa category.”
Ayon rin sa kanya, naka-hand carry ang gown ni Marian sa main event na gawa ni Francis Libiran para safe sila kung sakaling may mangyari sa mga luggages.
Sey naman ng make up artist na si Steven Deloso, mayroon na raw siyang naisip na look para kay Marian sa main event ng most prestigious pageant sa buong mundo.
“Meron na kaning idea for her look but definitely she’s pretty naman, hindi mo na kailangan pang you know, siguro beauty make up.
“Rest assured she’s gonna be a stunner and head-turner sa gala night,” pagsisiguro nito.
Kabog na kabog ang mga dalang gowns ni Marian at hindi naman kataka-taka dahil bukod sa napakaraming events na dadaluhan ni Marian bilang parte ng selection committee ng ika-70 edisyon ng Miss Universe ay minsan lang makatanggap ng ganitong oportunidad kaya naman talagang pinaghandaan ito ng Kapuso Primetime Queen.
Samantala, si Beatrice Luigi Gomez naman na representative ng bansa para sa nasabing beauty pageant ay nauna na sa Israel noon pang nakaraang buwan.
Related Chika:
Marian napiling judge sa Miss Universe 2021: Sabi ko talaga ba, ako? Totoo ba yan?
Marian may 1 katangiang hahanapin sa susunod na Miss Universe, ano kaya yun?