Mel de Guia at Sheryn Regis
TRUE at wala ngang halong eklabu ang pang-hashtag #LoveWins na relasyon ng OPM singer na si Sheryn Regis at ng kilalang YouTuber na si Mel de Guia, na isang proud member ng LGBTQIA+ community.
Naging usap-usapan nitong nakaraang araw ang tungkol sa relationship ng dalawa nang kumalat sa social media ang kanilang sweet na sweet na mga TikTok video.
Pinusuan at umani ng sandamakmak na likes ang natanggap ng mga litrato at video nina Sheryn at Mel kabilang na ang mga miyembro ng gay and lesbian community.
At dahil marami na ang nagtatanong ay naku-curious sa totoong estado ng kanikang relasyon, proud na proud na ibinandera ni Sheryn ang pagmamahalan nila ni Mel.
Sa kanyang Instagram page, ipinost ng biriterang singer ang litrato kung saan karga-karga siya ni Mel. Isang simpleng “YES” lang with matching heart emoji ang inilagay niyang caption dito.
Naniniwala ang mga netizens at mga fans ng singer na ito na ang kanyang sagot sa lahat ng nagtatanong kung si Mel na ba ang bago niyang dyowa.
Bukod dito, may ibinahagi rin si Sheryn sa kanyang TikTok account ng isa pang sweet photo nila ni Mel na magkadikit ang kanilang mukha. Kalakip nito ang ilang lyrics mula sa classic song na “One Hello.”
“FIRST YOU GOTTA LET THEM IN CUZ LOVE BEGINS WITH HELLO!” ang nakasulat sa isa niyang TikTok entry.
Nitong nagdaang Dec. 3, unang nag-post sa Instagram si Sheryn ng litrato nila ni Mel kung saan magka-holdings pa sila habang pinanonood ang sunset na tanging heart emoji lang ang caption.
Isa sa mga celebrities na nag-comment sa post ni Sheryn ay ang award-winning singer-composer at aktor na si Ice Seguerra na kasal naman sa aktres at chairperson ng Film Development Council of the Philippines (FDCP) na si Liza Dino.
Sey ni Ice, “So happy for you!” Na sinagot naman ni Sheryn ng, “Thank you Ice.”
Kilalang supporter ng LGBTQIA+ si Sheryn na hiwalay na sa kanyang asawa pero nagkaroon sila ng isang anak na babae.
Mahigit 20 years nanirahan sa Amerila si Sheryn bago bumalik sa Pilipinas noong 2020. Una siyang nakilala sa showbiz nang tanghaling second placer sa singing search noon ng ABS-CBN na “Search For The Star In A Million” noong 2003.
https://bandera.inquirer.net/299394/dyowa-na-nga-ba-ni-sheryn-regis-ang-youtuber-na-si-mel-de-guia
https://bandera.inquirer.net/295493/sheryn-regis-naiyak-sa-showtime-may-hugot-sa-pag-ibig