Elisse Joson, McCoy de Leon at Baby Felize
BAKA medyo matagalan pa bago magpakasal ang young celebrity couple na sina McCoy de Leon at Elisse Joson.
Pareho ang mga priorities ngayon ng magdyowa, ang ituon ang lahat ng kanilang atensiyon sa anak nilang si Baby Felize McKenzie na seven months old na ngayon.
Kamakailan, ay ipinagdiwang nina Elisse at McCoy ang ika-7 buwan ng kanilang pagiging parents.
Nag-post pa ang Kapamilya actress ng mga litrato na kuha sa intimate party ng kanilang pamilya at nilagyan ng caption na, “Happy 7 months, Felize. It’s true what they say, time goes by so fast when you have a little one.”
Sa isang panayam, nabanggit nga ng celebrity parents na ang top priority nila ngayon sa kanilang pagsasama ay ang kanilang panganay.
“It’s been a ride. Pero focused kami siyempre kay Felize, baptism pa niya, first birthday. So yun yung plans namin,” ang pahayag ni Elisse.
Samantala, feeling ng aktres at first-time mom, maraming nagbago sa kanila ni McCoy simula nang dumating sa buhay nila si Felize at magsama bilang nanay at tatay.
“Siguro nadoble yung patience namin. Napansin ko rin kay McCoy he’s very patient and mas dumagdag yung understanding niya kasi hindi lang sa akin pati na rin sa baby,” chika ni Elisse.
Hirit naman ni McCoy, “Naku, maraming-maraming na-discover si Elisse. Siyempre nandu’n na kami sa isang bahay. Hindi biro yun.
“Natutunan ko siyempre na mabuhay ng may kasama. Kaya sa akin kasama yun sa buhay eh. Kaya I’m learning pa rin hanggang ngayon,” sey pa ng aktor na bibida sa musical film na “Yorme: The Isko Domagoso Story.”
Sabi nga ng proud tatay, ngayon daw ay mas tumapang at mas naging madiskarte pa sa buhay dahil may sarili na siyang pamilya na kailangang buhayin.
Kung matatandaan, unang nagkakilala sina McCoy at Elisse bilang housemates sa 7th season ng Kapamilya reality show na “Pinoy Big Brother noong 2016. Dito nga sila nakilala bilang magka-loveteam at binansagang McLisse.
Naging magkarelasyon sila paglabas ng Bahay ni Kuya ngunit taong 2018 nang maghiwalay. Nito lamang June, 2021 nang ibandera ni McCoy na nagkabalikan na nga sila ni Elisse.
Last April, 2021 naman nang ipanganak si Felisse McKenzie.
https://bandera.inquirer.net/296589/part-2-ng-love-story-nina-mccoy-at-elisse-nagsimula-nang-dahil-sa-jacket-nadaan-sa-signs
https://bandera.inquirer.net/298022/mccoy-naka-relate-sa-life-story-ni-yorme-titirahin-ka-ng-masasakit-na-salita-durog-na-durog-ka