Isko Moreno at Joven Tan
ALAM ni Manila Mayor Isko Moreno na matindi at malakas ang makakalaban sa takilya ng kanyang biopic na “Yorme: The Isko Domagoso Story.”
Ito ang unang Pinoy movie na ipalalabas nationwide matapos mag-reopen ang mga sinehan noong Nov. 10. Halos dalawang taon ding nagsara ang mga cinema sa bansa.
Makakabangga ng “Yorme” ang bagong Marvel movie na “Eternals” sa darating na Dec. 1 pero ayon kay Mayor Isko, positibo siyang tatangkilikin din ng moviegoers ang mga Pinoy movies.
“Ako, optimistic kasi ako, e. Actually, malaking challenge. Dahil lalabas yung mga Marvel, yung foreign films, hindi ko tatalunin yun.
“E, ako naman, alam ko kung saan ang kahinaan ko, o kung saan naman ako puwede na mag-excel. Malakas yun, yung mga pelikulang yun, yung mga Marvel. Pero more than… whether it’s going to be number 1 or it’s going to be number 2, who’s going to be watched, ‘no?
“It is the industry that I’m after. Na yung industriya ng showbiz, makakapag-produce na muli ng pelikula, makapag-generate ng negosyo, makapag-generate ng trabaho,” pahayag ng alkalde sa face to face mediacon ng “Yorme” last Friday.
Patuloy pa ng isa sa mga presidential canditate sa 2022 elections, “Unti-unti na ring bubuka yung movie industry greatly hurt by the pandemic.
“So, if this will be the first, I’m honored to open the opportunity for local producers to take the risk, and venture into it again.
“And that will generate jobs and opportunity to my fellow showbiz… alam naman natin, maraming nawalan ng trabaho sa showbiz, yung mga artista. E, yung sa likod ng kamera, mas malaki yun. Mas marami yun.
“So, while it’s true na malakas yung mga Marvel, pero I think, it’s high time, sa ating mga kababayan na suportahan natin yung atin, ‘no?
“Hindi dahil yung Yorme, kundi dahil yung industriya itself, the Philippine movie industry. Yun yung susuportahan natin.
“Parang sa amin, sa Maynila, kung makikita ninyo, katulad ngayon sa Mehan Garden, yung tinatawag namin, it’s been three years now, ‘no? Buy local, eat local.
“Yung mga ganu’n. Ini-encourage namin yung mga utaw na suportahan yung mga negosyante doon sa kanilang mga tinda-tindahan. May hanapbuhay.
“Eto, magandang bukana. Kasi, ngayon lang uli bubuksan ang sine. A year and nine months, if I’m not mistaken.
“So, this would be a signal to the investors for the Philippine movie industry to bankroll again our assets, our actors, actresses, talents na to be competitive.
“The next challenge is how our Philippine movie industry be more competitive in terms of craftmanship in producing a content.
“Because with regard to talents, no question. Filipino actors and actresses, or Filipino talents for that matter, are very competitive in the world.
“Recently, o, di ba, may nanalo na namang Pilipino? Si John Arcilla, sa world stage. Again, this will be a signal, whether it will fail or it will succeed, it doesn’t matter to me,” pahayag pa ni Yorme.
“What matters most to me is that a signal for showbiz, Philippine movie industry, to open up again, to invest again to our talents in the country and to produce a very good content, and opportunity is now open,” sey pa ni Mayor Isko na ang tinutukoy ay ang pagkapanalo ni John Arcilla ng Volpi Cup sa Venice International Film Festival.
Samantala, sa tanong kung ano ang mensaheng nais ibahagi ng “Yorme: The Isko Domagoso Story” sa mga kabataan ngayon sagot ni Isko, “Ito ang tunay na buhay. Hindi lang buhay ni Isko. Ito ang buhay natin, ng nakararami sa atin.
“This is the reality. Yes, while it is true that we enjoy doing TikTok, doing YouTube, doing Facebook, okay yan. Okay lang ‘yan.
“At least, kahit paano, may outlet tayo. Pero ito yung… let’s rethink. Saan ako dadalhin ng kinabukasan ko? Ano ang naghihintay sa kinabukasan?
“Kasi, kapag napanood nila, mari-realize nila, ‘Ay! Salamat sa nanay ko, salamat sa tatay ko, hindi ko inabot yung kalagayan ni Isko nu’ng araw.’
“So, with this picture, with this movie, maiisip nila, masuwerte pa pala sila sa magulang. Kahit sila ay mahirap, hindi pa sila umabot na kumain ng tira ng tao. Hindi pa sila naging basurero.
“So, kids seeing this, pag napanood ito ng mga bata, hopefully ma-realize nila how they should be grateful to their parents, how they should be grateful of what they have.
“Kung ano man ang meron tayo ngayon, na pwede pa rin nating ipagpasalamat sa Diyos, ipagpasalamat sa mga magulang natin.
“Dahil ang buhay ko na ito, if I my borrow that word, the title of that movie, ‘Mission: Impossible’. Near to impossible. But it did happen. And now, can you imagine, basurero, naging meyor ng Maynila. Basurero, posible na maging Presidente rin ng bansa.
“So, that kind of opportunity sa mga bata ngayon, while they enjoy social media, they enjoy creating contents para makilala sila, ma-exercise nila yung talent nila, yung skills nila, there is real world around us.
“And I hope it can make a dent sa buhay nila pag napanood nila yung movie,” sabi pa ni Yorme na siyang magiging narrator sa “Yorme: The Isko Domagoso Story” na idinirek ni Joven Tan.
Sa kuwento, si Xian Lim ang gaganap na Mayor Yorme habang si McCoy de Leon at Raikko Mateo ang teenager at batang Isko.
https://bandera.inquirer.net/298253/xian-lim-gusto-na-ring-sumabak-sa-politika-nang-dahil-kay-isko-moreno
https://bandera.inquirer.net/291367/yorme-balak-mag-retire-sa-public-service-sa-edad-50-wala-pa-ring-final-answer-sa-eleksyon-2022