HINDI na nagpaawat ang sikat na aktor na si Daniel Padilla sa pagkukomento ukol sa kasong sex trafficking ng pastor na si Apollo Quiboloy, founder ng Philippine-based church sa Davao at malapit na kaibigan ni Pangulong Rodrigo Duterte.
Huwebes, Nobyembre 18, nang ianunsyo ng US prosecutors ang sex-trafficking charges laban kay Quiboloy pati na rin sa iba pang mga opisyal ng kanyang simbahan dahil sa umano’y pang-aabuso ng mga ito sa mga kababaihan edad 12 hanggang 25.
“Isa isa nang tinatawag ni Satanas,” ito ang matapang na komento ni Daniel sa post ng ABS-CBN News.
Umani naman ang aktor ng samu’t saring papuri mula sa mga netizens.
Marami rin ang sumabg-ayong netizens sa naging comment ni Daniel.
“Tama ka po. Ngayon na ang panahon. Kulang pa ang isang death penalty sa kanya at sa katulad nya. Can’t even find a word to describe him.”
“Daniel woke up and choose to speak facts.”
“Correct. Karma is real. Ikulong na yan.”
Ilan lang ito sa mga reaksyon ng netizens sa pahayag ni Daniel ukol sa kaso ni Quiboloy.
Maging ang Kapamilya star na si Angel Locsin ay nag-comment rin sa balitang ito.
Nanawagan naman si Angel na bigyang proteksyon ang mga biktima na hindi nangiming magsalita at isiwalat ang mga maling ginagawa nila Quiboloy.
“Minor=rape. Sana maprotektahan agad yung mga naglakas loob na magsalita,” saad naman ni Angel.
Related Chika:
Hamon ni Neil sa public official na nang-insulto kay Angel: Kung matapang ka talaga kita tayo, lalake sa lalake