Maureen tanggap ang pagkatalo kay Bea sa Miss Universe PH: She’s a fighter, she deserves the crown!
Maureen Wroblewitz at Bea Gomez
APRUB na aprub sa Kapamilya model-actress na si Maureen Wroblewitz ang pagkapanalo ni Bea Gomez sa katatapos lang na 2021 Miss Universe Philippines.
Hinangaan ng madlang pipol ang buong-pusong pagtanggap ni Maureen sa kanyang pagkatalo at pagkabigong masungkit ang titulo at korona sa nasabing national pageant.
Aniya, deserving si Bea na magwagi dahil sa talento at talinong taglay nito, bukod pa sa kanyang kabaitan at mga adbokasiyang ipinaglalaban.
Idinaan ng girlfriend ni JK Labajo sa Instagram ang pagmamahal at pagsuporta niya sa bagong Miss Universe Philippines, “Congratulations to @beatriceluigigmz. She is one of the kindest, most down to earth and sweetest people that I know. She is a fighter and she deserves the crown! I’m so proud of her.”
Samantala, umaasa naman si Maureen na itinanghal na first runner-up sa katatapos lang na beauty pageant, na kahit paano’y na-inspire ang ilang kababaihan sa naging journey niya.
“I may have not won the crown but I have won a sisterhood that I will cherish forever. What a crazy experience that was but I am grateful for how it’s turned out and I‘m excited for what‘s to come.
“I hope that through me I’ve inspired you to strive to be the best version of yourselves!” aniya pa.
Dagdag pa ng “Asia’s Next Top Model” winner, nang dahil daw sa pagsali niya sa Miss Universe Philippines ay napaglabanan niya ang takot sa pagrampa sa harap ng napakaraming tao.
Nauna rito, pinadalhan naman ni JK ng bouquet of roses si Maureen na may kalakip na note at nakasulat sa German.
Tinawag na “sweetheart” ng singer-composer si Maureen at sinabing, “I am very proud of you. You are my universe. Wish you all the best and see you soon. I love you more than anything.”
Sagot naman ng dalaga kay JK, “The most supportive. Not sure how he knew what to write in German lol.”
Pagkatapos rumampa ni Maureen sa Miss Universe PH last Thursday night, agad na nag-post si JK ng mensahe sa IG at binati ng “congratulations” ang dalaga, “Ikaw pa rin ang aking Miss Universe.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.