Rocco walang isyu kay Derek; umaming natakot gawin ang ‘To Have And To Hold’
Max Collins, Rocco Nacino at Carla Abellana
WALANG issue kay Rocco Nacino kung second choice lang siya bilang leading man sa pinakabagong primetime teleserye ng GMA, ang “To Have And To Hold” kasama sina Max Collins at Carla Abellana.
Alam naman ng lahat na si Derek Ramsay ang original choice ng production para sa nasabing project pero umatras nga ang hunk actor dahil sa patuloy na banta ng COVID-19 pandemic at siyempre dahil kay Ellen Adarna.
Ayon kay Rocco, ang mahalaga sa kanya ipinagkatiwala ng GMA ang “To Have And To Hold”, “Not at all. Sobrang ganda ng role, bakit ko naman tatanggihan?
“And it’s really an honor for me to be acting with great co-stars like Max and Carla, with director Don Michael Perez guiding us.
“I’m really happy sa akin napunta ang project na ito because it’s such an engrossing romantic drama na tiyak na susubaybayan ng viewers on primetime sa GMA Telebabad,” paliwanag ng Kapuso actor.
Gagampanan niya ang karakter ni Gavin, isang top chef na nagmamay-ari ng isang bonggang restaurant. Kasal sila ni Max na gaganap bilang si Dominique at mai-involve nga kay Carla who plays the role naman of Erica.
“The first time I read the script, actually, natakot ako. Kasi it’s about a couple who’s having problems with their marriage.
“Sabi ko, naku, kakakasal ko pa lang sa misis ko (Melissa Gohing), tapos, troubled marriage agad ang story ng bago kong show. Baka ma-traumatize ako after playing a husband na may malaking problema sa marriage niya?
“Ang maganda lang, both Max and I are married and we said we’re just playing our roles, na ibang-iba sa what we are in real life,” chika ni Rocco.
Kumusta naman sina Max at Carla bilang leading ladies? Aniya tungkol kay Max, “She’s very giving as a co-star. I had so much fun doing our scenes together kasi she really dives intensely into her character. Ang ganda ng mga batuhan namin ng linya, lalo na sa confrontation scenes so abangan nyo. It was a wonderful experience.”
“Carla namam plays Erica, the woman I met nang nagkakalabuan na ang relationship namin ni Max. We’ve worked na together before and she’s always a joy to work with because of her dedication and commitment to her craft. You have to be on your toes when you’re with her as she always gives her best in every scene,” kuwento pa ni Rocco.
Magsisimula na ngayong Lunes, Sept. 27 ang “To Have And To Hold” kapalit ng rerun ng “Endless Love”.
Makakasama rin dito sina Rafael Rosell, Roi Vinzon, Valeen Montenegro, Ina Feleo, Gilleth Sandico, Bing Pimentel, Luis Hontiveros at ang kapatid ni Ruru Madrid na si Athena Madrid.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.