Jackie Forster, Kobe at Andre Paras
PROUD na proud ang dating aktres at celebrity mom na si Jackie Forster sa dalawa niyang anak kay Benjie Paras — sina Andre at Kobe Paras.
Bilang nanay, nakakataba raw ng puso na makitang lumaking mababait, responsable at palaban sa buhay ang kanyang mga anak kahit na matagal na panahong hindi niya nakasama ang mga ito.
Super happy daw si Jackie nang mabalitaang patungo nang Japan si Kobe para sa Japanese B.League with Niigata, habang si Andre naman ay naglalaro na ngayon sa PBA sa ilalim ng Blackwater Bossing team.
Sa kanyang Instagram account, ibinandera ni Jackie ang sobrang kaligayahan dahil sa mga achievement ng dalawang anak na binata at hindi raw nagpatalo o nagpaapekto sa mga haters at bashers sa social media.
“As a mama all you ever want is for your children to be happy and do what they love when they grow up 2 of my 5 are living their dream.
“No matter how that looks like to other people, no matter which road they took to get there. They are there.
“They didn’t allow diversions or haters to keep them from achieving what their hearts truly desired,” ang bahagi ng mensahe ni Jackie.
Aniya pa, “Everything else will fall into place. In God’s time, with patience and loads of hard work. It’s so very true that, nothing good ever comes easy.
“I’m so grateful for all the blessings. Their success is my success as their heartaches are also mine,” dugtong pa niya sa caption ng kanyang IG photo.
Nagkomento naman si Kobe sa madamdaming post ng kanyang nanay at inaming kung minsan ay nagiging pasaway siya at mahirap siyang intindihin.
“Love you so much ma! I’m a pain in the ass sometimes (well most of the times), but if you’re happy that’s all that matters to me mama,” ani Kobe.
Sagot ni Jackie sa anak, “Don’t say that, you’re not a pain. You were confused and uncertain and that comes with all things- growing up and growing up means taking risks.”
Bukod kina Andre at Kobe, may tatlo pang anak si Jackie sa kanyang husband na si Michel Franken — sina Jared, Caleigh at Yohan.