Aiko Melendez at Jay Khonghun
BINIGYAN ng babala ni Aiko Melendez ang mga constituents ng kanyang dyowang si Jay Khonghun dahil gingamit ito sa isang scam.
Sa kanyang Instagram account ay ipinost ni Aiko ang pekeng text message ng kanyang dyowa na nanghihingi ng tulong para sa mga Aetas.
“Good evening po Senator. Si vice Governor Jay Khonghun po ito ng Zambales, pwede po ba kami makalapit sa inyo para po sa gaganapin na activity dito sa lalawigan namin para po sa katutubo nating mga Aetras. Salamat po Godbless.”
‘Yan ang screenshot ng pekeng text message na ipinost ni Aiko.
“Magandang Gabi po Sa aking mga kababayan sa Olongapo At Zambales. Nitong mga nakaraang araw, meron pong gumagamit ng aking pangalan upang humingi ng pondo para sa Ating mga kapatid na mga katutubo.
“Nais ko lamang linawin na HINDI po ako lumalapit kahit Kanino man at Lalong lalo na sa ating mga butihing mga Senador. Iisa lamang po ang cellphone number na ginagamit ko.
“May mga Senador napo na nabiktima ng manloloko na ito. Wag sana nating gamitin ang kapakanan ng ating mga kapatid na katutubo Sa kalokohan.
“Kung sino ang gumagamit ng aking pangalan tigilan nyo na po ito dahil nagreklamo na po ako Sa NBI. Salamat po #careNshare @vicegov_jaykhonghun,” caption ni Aiko sa kanyang Instagram post.
Sino kaya ang naninira sa dyowa ni Aiko?
* * *
Matindi pala talaga ang fans nina Seth Fedelin at Andrea Brillantes. Talagang sinusundan nila ang dalawa sa “Huwag Kang Mangamba” kahit sa YouTube.
Sa recent episode kung saan pinapayuhan ng character ni Seth si Andrea, maraming humanga sa kanilang dramatic highlights.
“Bigyan na talaga sana kayo ng solo teleserye at big screen projects! Sobrang deserve niyo mabigyan ng big breaks! Sobrang galing niyo SethDrea!”
“Ang galing ni Blythe kahit saan samahan p ng seth Fedelin grabe iyak ko sobrang deserve nyo solo project and best actress awards ang galing ni Blythe promise she’s the queen.”
“The moment when Andrea Brillantes crack her voice. I can also feel her pain sobrang galing babagsak tlaga yung luha nya sa part na masakit na.”
“Mahusay na Mahusay MIRA PIO…Gudluck sana marami pang biyaya ang ipagkaloob sa inyo.”
Sa ngayon ay mukhang nalalapit nang mabulgar kung sino ng pumatay sa Faith character ni Dimples Romana. Kung sinu-sino na kasi ang nadadamay.
Kabahan kaya ang characters nina Eula Valdes at Mercedes Cabral?